ચાર ભાઈ-બહેન, ચારેય IAS-IPS ઓફિસર- પિતાનું સપનું પૂરું કરવા મોટાભાઈએ નોકરી છોડી કરાવી દરેકની તૈયારી

યુપી(UP): જો ઘરમાં જેટલાં બાળકો હોય અને તે બધાં જ સરકારમાં ઉચ્ચ કક્ષાના અધિકારી બને, તો તે ઘરનું વાતાવરણ અલગ જ હશે. આજે અમે તમને એક એવા જ ઘરની કહાની જણાવવા જઈ રહ્યા છીએ જ્યાં 2 ભાઈ અને 2 બહેન IAS અને IPS ઓફિસર છે. આ પરિવાર યુપીના લાલગંજનો રહેવાસી છે.

જાણવા મળ્યું છે કે, ચાર ભાઈ-બહેનોમાં, ક્ષમા અને માધવી બંને બહેનો પહેલી વારમાં UPSC પાસ કરવામાં નિષ્ફળ રહ્યા હતા. જેને પગલે તેઓ નિરાશ રહેતા હતા. આ દરમિયાન તેમના ભાઈ યોગેશ તેમને ઉદાસ જોઈ શક્યા નહીં અને તેમને મદદ કરવાનું નક્કી કર્યું હતું. જેથી રક્ષાબંધનના અવસર પર, સોફ્ટવેર એન્જિનિયરે પોતે UPSC પાસ કરવાનું  નક્કી કર્યું, શું સમસ્યા હતી તે જાણવાનું અને તેની બહેનોને માર્ગદર્શન આપવાનું નક્કી કર્યું.

તેણે 2013માં નોકરી છોડી દીધી અને એક વર્ષ સુધી સંપૂર્ણ રીતે UPSC પર ધ્યાન કેન્દ્રિત કર્યું. બીજા વર્ષે, તેણે પ્રથમ પ્રયાસમાં તે ક્લીયર કર્યું અને IAS અધિકારી બન્યા. તેણે તેની બે બહેનો અને નાના ભાઈને પરીક્ષાઓ અને નોટ્સની સમજણ સાથે કોચિંગ આપ્યું. 2015માં માધવીએ પરીક્ષા પાસ કરી અને IAS ઓફિસર બની. ત્યારે તેના પછીના વર્ષે, ક્ષમા અને લોકેશ બંને પરીક્ષા પાસ કરી અને હવે IPS અને IAS ઓફિસર છે.