February 26, 2025
Sudanese Military Aircraft Crashed: સુડાનનું લશ્કરી વિમાન ઓમદુરમેન શહેરમાં ક્રેશ થયું છે. આ અકસ્માતમાં ઓછામાં ઓછા 46 લોકોના મોત (Sudanese Military Aircraft Crashed) થયાના અહેવાલ છે. સેના અને આરોગ્ય અધિકારીઓએ બુધવારે (26 ફેબ્રુઆરી) આ ઘટના વિશે માહિતી આપી. એપીના અહેવાલ મુજબ સેના દ્વારા જારી કરાયેલા એક નિવેદનમાં કહેવામાં આવ્યું છે કે આ અકસ્માતમાં ઘણા લશ્કરી કર્મચારીઓ અને નાગરિકોના મોત થયા છે. આ અકસ્માત પાછળના મુખ્ય કારણ વિશે કોઈ માહિતી નથી.
સુડાનિસ આર્મીના રિપોર્ટ અનુસાર મંગળવારે (24 ફેબ્રુઆરી) એ વાડી સૈયદના એરબેઝ પરથી ઉડાન ભરતી વખતે સેનાનું એન્ટોનોવ વિમાન ક્રેશ થયું હતું. જોકે અગાઉ સુડાનના આરોગ્ય મંત્રાલયે કહ્યું હતું કે અકસ્માતમાં માર્યા ગયેલા લોકોના મૃતદેહોને ઓમદુરમેનની નાઉ હોસ્પિટલમાં મોકલવામાં આવ્યા છે. આ સાથે પાંચ નાગરિકો પણ ઘાયલ થયા છે જેમની સારવાર ચાલી રહી છે.
સુડાનમાં છેલ્લા 2 વર્ષથી ગૃહયુદ્ધની પરિસ્થિતિ
સુડાન 2023 થી ગૃહયુદ્ધની ઝપેટમાં છે. અહીં સેના અને કુખ્યાત અર્ધલશ્કરી જૂથ રેપિડ સપોર્ટ ફોર્સિસ (RSF) વચ્ચેનો તણાવ યુદ્ધમાં ફેરવાઈ ગયો. આ સંઘર્ષ શહેરી વિસ્તારો ખાસ કરીને દારફુર પ્રદેશને તબાહ કરી રહ્યો છે અને વંશીય હિંસા અને સામૂહિક બળાત્કાર જેવી ભયાનક ઘટનાઓને જન્મ આપી રહ્યો છે. સંયુક્ત રાષ્ટ્ર અને આંતરરાષ્ટ્રીય અધિકાર સંગઠનોએ આ ઘટનાઓને માનવતા વિરુદ્ધના ગુનાઓ અને યુદ્ધ અપરાધો ગણાવ્યા છે.
Trending News
A Sudanese military Antonov aircraft crashed in Omdurman, north of Khartoum, on Tuesday evening, killing the crew and several military personnel on board. Eyewitnesses said at least five civilians on the ground were also killed and dozens injured when debris from the plane struck… pic.twitter.com/PS733snFLg
— Sudan Tribune (@SudanTribune_EN) February 26, 2025
તાજેતરના મહિનાઓમાં સેનાએ ખાર્તુમ અને અન્ય વિસ્તારોમાં RSF સામે તેની કાર્યવાહી વધારી દીધી છે. RSF પશ્ચિમી ડાર્ફુરના મોટાભાગના ભાગને નિયંત્રિત કરે છે. તેણે સોમવારે (23 ફેબ્રુઆરી) દક્ષિણ દારફુર પ્રાંતની રાજધાની ન્યાલામાં સુડાનના લશ્કરી વિમાનને તોડી પાડવાનો દાવો કર્યો હતો. આવી ઘટનાઓ સુડાનના સંકટને વધુ જટિલ બનાવી રહી છે અને નાગરિકોની સલામતી અને શાંતિ માટે ગંભીર ખતરો ઉભો કરી રહી છે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો:
- Trishul News Gujarati iPhone App