November 18, 2024
Vasuki Indicus: સમુદ્ર મંથનની પૌરાણિક કથામાં મંદરાચલ પર્વત પર વિટરાયેલ વાસુકી નાગના અસ્થિત્વને વિજ્ઞાનિકો તરફથી નક્કર પૂરાવા એટલે કે સમર્થન મળ્યું છે. IIT રુડકીના એક અત્યંત મહત્વપૂર્ણ સંશોધનમાં ગુજરાત રાજ્યના કચ્છ સ્થિત ખાણમાંથી એક વિશાળકાય સાપનું(Vasuki Indicus) કરોડરજ્જુ અને હાંડકાના અવશેષ મળી આવ્યા છે.આ વિશ્વનો સૌથી મોટો સાપ હતો. કચ્છ સ્થિત પાંધ્રો લિગ્નાઈટના ઉત્ખનનમાં વૈજ્ઞાનિકોએ 27 જેટલા અવશેષોની ભાળ મેળવી છે,જે સાપના કરોડરજ્જાની વર્ટીબ્રાનો ભાગ છે.
સમુદ્ર મંથન સાથે પણ જોડાયેલી મહત્વની વાર્તા
આ એ જ સાપ છે જેનો ઉલ્લેખ સમુદ્ર મંથનમાં જોવા મળે છે. IIT રુડકીના એક અત્યંત મહત્વપૂર્ણ સંશોધનમાં ગુજરાત રાજ્યના કચ્છ સ્થિત ખાણમાંથી એક વિશાળકાય સાપનું કરોડરજ્જુ અને હાંડકાના અવશેષ મળી આવ્યા છે. વૈજ્ઞાનિકોએ આ ખાણમાંથી વાસુકી નાગના કરોડરજ્જુના 27 ભાગોને રિકવર કર્યા છે. તેનું વૈજ્ઞાનિક નામ વાસુકી ઈન્ડીકસ છે. વૈજ્ઞાનિકોએ કહ્યું કે તેનો આકાર આજના અજગર જેવો વિશાળ હતો. પરંતુ તે ઝેરી ન હતો. સાયન્ટિફિક રિપોર્ટ્સ જર્નલમાં પ્રકાશિત થયેલા અભ્યાસ અનુસાર, IIT રૂરકીના પેલેઓન્ટોલોજિસ્ટ દેબજીત દત્તાએ કહ્યું કે તેનું કદ સૂચવે છે કે તે વાસુકી નાગ હતો.
વાસુકી નાગના અવશેષો ક્યાંથી મળ્યા?
ગુજરાતના કચ્છમાં આવેલી ખાણમાંથી સમુદ્ર મંથન કરનાર સર્પ વાસુકીના અવશેષો મળી આવ્યા છે.અહીં એક વિશાળ સાપની કરોડરજ્જુના અવશેષો મળી આવ્યા છે. પ્રાપ્ત માહિતી અનુસાર, સાપના હાડકાના આ અવશેષો 4.7 કરોડ વર્ષ જૂના છે.
Trending News
વૈજ્ઞાનિકોએ વાસુકી ઈન્ડીકસ નામ આપ્યું
સાડા ચાર કરોડ વર્ષ જૂના અવશેષોને વૈજ્ઞાનિકોએ ખાસ નામ પણ આપ્યા છે. તેણે તેને વાસુકી ઈન્ડીકસ કહ્યો છે. તેની પાછળના નિષ્ણાતોનું કહેવું છે કે આ પૃથ્વી પર રહેતા સૌથી મોટા સાપના હાડકાના અવશેષો હોઈ શકે છે. એટલું જ નહીં, તેમણે કહ્યું છે કે સમુદ્ર મંથનનો સમય અને આ અવશેષનો સમય પણ લગભગ નજીકમાં છે. જે સાબિત કરે છે કે આ અવશેષો વાસુકી નાગના હોવા જોઈએ.
લંબાઈ 36 થી 49 ફૂટ, વજન 1000 કિ.ગ્રા હતું
દેબજીતે જણાવ્યું કે એનાકોન્ડા અને અજગરની જેમ તે પોતાના શિકારને દબાવીને મારી નાંખતો હતો પરંતુ જ્યારે વૈશ્વિક સ્તરે તાપમાન વધવા લાગ્યું ત્યારે તેમની વસ્તીમાં ઘટાડો થવા લાગ્યો. એવું માનવામાં આવે છે કે તેમની સામાન્ય લંબાઈ 36 થી 49 ફૂટ હતી. તેમનું વજન લગભગ 1000 કિલો હતું.આ સાપ સેનોઝોઇક યુગમાં રહેતો હતો. એટલે કે લગભગ 6.60 કરોડ વર્ષ પહેલાં. પછી ડાયનાસોર યુગનો અંત આવ્યો. વાસુકી નાગના કરોડરજ્જુના હાડકાનો સૌથી મોટો ભાગ જે આપણને મળ્યો છે તે સાડા ચાર ઈંચ પહોળો છે. આ દર્શાવે છે કે વાસુકી નાગનું શરીર ઓછામાં ઓછું 17 ઇંચ પહોળું હતું. હાલ તેની ખોપરી મળી નથી, શોધખોળ ચાલુ છે.વાસુકી નાગ શું ખાતા હતા તે હજુ સુધી વૈજ્ઞાનિકો શોધી શક્યા નથી. પરંતુ તેનું કદ જોતા એવું લાગે છે કે તે તે સમયના વિશાળ મગરોને ખાતો હશે. ઘણા મગર અને કાચબાના અવશેષો પણ નજીકમાં મળી આવ્યા છે. બે પ્રાગૈતિહાસિક વ્હેલના અવશેષો પણ મળી આવ્યા છે.
ઈતિહાસ 9 કરોડ વર્ષ જૂનો છે
સંશોધકોના મતે વાસુકીનો ઈતિહાસ 9 કરોડ વર્ષ જૂનો છે. તે તત્કાલીન મેડસાઇડ સાપ વંશનો સભ્ય હતા જે 12,000 વર્ષ પહેલાં લુપ્ત થઈ ગયા હતા. ભારત સિવાય આ સાપ દક્ષિણ યુરેશિયા અને ઉત્તર આફ્રિકામાં પણ જોવા મળે છે.
શું તે ટાઇટેનોબોઆ કરતાં મોટા હતા?
IIT રૂરકીના પ્રોફેસર અને આ સાપને શોધનાર ટીમના સભ્ય સુનીલ બાજપાઈએ કહ્યું કે વાસુકીના કદની તુલના ટિટાનોબોઆ સાથે કરી શકાય છે. પરંતુ બંનેના કરોડરજ્જુના હાડકામાં તફાવત હતો. વાસુકી કદની દૃષ્ટિએ ટાઇટેનોબોઆ કરતાં પણ મોટો હતો એવું અત્યારે કહેવું યોગ્ય નથી.
આ રીતે તે ભારતની ધરતી પર આવ્યો હોવાનું અનુમાન
વાસુકી મેડ્ટસોડે (Madtsoiidae) પરિવારનો સાપ હતો. આ સાપ 90 મિલિયન વર્ષો પહેલા પૃથ્વી પર હતા, જે 12 હજાર વર્ષ પહેલા લુપ્ત થઈ ગયા હતા. આ સાપ ભારતમાંથી દક્ષિણ યુરેશિયા અને ઉત્તર આફ્રિકા સુધી ફેલાયેલા હતા. 50 મિલિયન વર્ષો પહેલા જ્યારે યુરેશિયા એશિયા સાથે અથડાયું ત્યારે ભારતની રચના થઈ હતી.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App