November 24, 2024
1985 બેચના IPS સુબોધકુમાર જયસ્વાલની CBIના નવા ડિરેક્ટર તરીકે નિમણૂક કરવામાં આવી છે. વડા પ્રધાન નરેન્દ્ર મોદીની અધ્યક્ષતામાં સોમવારે મળેલી ઉચ્ચ સ્તરીય સમિતિની બેઠકમાં આ નિર્ણય લેવામાં આવ્યો છે. સમિતિમાં ભારતના મુખ્ય ન્યાયાધીશ એન.વી. રમણા અને લોકસભાના વિપક્ષી નેતા અધિર રંજન ચૌધરીનો સમાવેશ થાય છે. મંગળવારે વ્યક્તિગત મંત્રાલયે તેમને નિમણૂક કરવાનો આદેશ જારી કર્યો હતો. CBI ડિરેક્ટરની પોસ્ટ ફેબ્રુઆરીથી ખાલી છે. હાલમાં એડિશનલ ડાયરેક્ટર પ્રવીણ સિન્હા તેના વચગાળાના ચીફ છે.
બે વર્ષ સુધી પદ સંભાળશે
ઉત્તર પ્રદેશના ડીજીપી એચ.સી. અવસ્થી SSB ના DG કુમાર રાજેશચંદ્ર અને ગૃહ મંત્રાલયના વિશેષ સચિવ વી.એસ.કે. કૌમુદી CBI ચીફ માટેની રેસમાં આગળ હતા, પરંતુ અંતે સુબોધકુમાર જયસ્વાલનું નામ ફાઇનલ થયું. તે આ પદ બે વર્ષ સુધી સંભાળશે. સુબોધકુમાર જયસ્વાલ મહારાષ્ટ્રના DGP અને ATS ચીફ રહ્યા છે. હાલમાં તેઓ CISFના ડાયરેક્ટર જનરલ છે. 58 વર્ષિય જયસ્વાલ 2022 માં નિવૃત્ત થશે.
જાસૂસીના માસ્ટર માનવામાં આવે છે જયસ્વાલ
વરિષ્ઠ IPS અધિકારી સુબોધ જયસ્વાલને જાસૂસીના માસ્ટર અધિકારી માનવામાં આવે છે. પોલીસ સેવામાં તેમના ઉત્કૃષ્ટ કામગીરી બદલ તેમને 2009 માં રાષ્ટ્રપતિના પોલીસ મેડલથી પણ સન્માનિત કરવામાં આવ્યા છે. તેમણે સંશોધન અને વિશ્લેષણ વિંગ (આરએડબ્લ્યુ) માં પણ સેવા આપી છે. તેઓ કેબિનેટ સચિવાલયમાં અધિક સચિવ તરીકે પણ રહી ચૂક્યા છે. જયસ્વાલે અનેક મોટા કેસોમાં તપાસનું નેતૃત્વ કર્યું છે.
Trending News
IPS Subodh Kumar Jaiswal has been appointed as Director of Central Bureau of Investigation (CBI) for a period of 2 years pic.twitter.com/jFGwZbOen4
— ANI (@ANI) May 25, 2021
મુંબઈ પોલીસમાં હતા ત્યારે તે કરોડોના નકલી સ્ટમ્પ પેપર કૌભાંડની તપાસ કરનારી વિશેષ ટીમના ચીફ હતા. 2006 ના માલેગાંવ બ્લાસ્ટની તપાસ સુબોધકુમાર જયસ્વાલે પણ કરી હતી. તેમણે વડા પ્રધાન, પૂર્વ વડા પ્રધાનો અને તેમના પરિવારોની સુરક્ષા માટે સ્પેશ્યલ પ્રોટેક્શન ગ્રુપ (SPG) ના ગુપ્તચર બ્યુરોમાં પણ કામ કર્યું છે.
ત્રણ વખત NDA ની પરીક્ષામાં નાપાસ થયા હતા
36 વર્ષની કારકિર્દીમાં ચાર વડા પ્રધાનો સાથે કામ કરી ચૂકેલા સુબોધ કુમારે એક કાર્યક્રમમાં જણાવ્યું હતું કે, તે ઝારખંડના નાના ગામના રહેવાસી છે. તેમણે ગ્રેજ્યુએશન અને એમબીએ કરતી વખતે ત્રણ વખત નેશનલ ડિફેન્સ એકેડેમી (NDA) ની પરીક્ષા આપી, પરંતુ ત્રણ વાર નિષ્ફળ ગય. ત્યારબાદ તેણે કહ્યું હતું કે, UPSCની પરીક્ષાનું ક્લિઅર થયા બાદ તેમને ખબર નથી કે, આ પછી કઈ નોકરી મેળવવી જોઈએ.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news
અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.