November 17, 2024
રાજસ્થાન: રાજસ્થાનમાં સ્પેશિયલ ઓપરેશન ગ્રૂપે યુગાન્ડા અને ધ ગેમ્બિયાની બે મહિલાઓની ધરપકડ કરી છે. આ બંનેએ રાસ્પબરી પી ડિવાઇસમાંથી બેંક ઓફ બરોડાના સર્વરને હેક કર્યું હતું અને એટીએમમાંથી 32 લાખ રૂપિયા પાછા ખેંચ્યા હતા.
યુગાન્ડાના નાનટોંગો એલેક્ઝાન્ડ્રોસ અને ધ ગેમ્બીયાના લૌરીયા કૈથની ધડપકડ કરવામાં આવી હતી. આ બંને સવારે 7 થી સવારે 9 વાગ્યા સુધી એટીએમ હૈક કરીને પૈસા ઉપાડી લેતા હતા. વિદેશથી દિલ્હી આવ્યા પછી, તે જયપુર, કોટા અને ઉદેપુર જઈને વિવિધ શહેરોમાં પૈસા ઉપાડતા હતા. તેઓ તેમના લોકેશન બદલતા રહેતા હતા જેથી તેમનો ખુલાસો ન થઈ શકે. આ રીતે એટીએમ હેક કરવાનો દેશમાં આ પહેલો કેસ છે.
સ્પેશિયલ ઓપરેશન ગ્રુપના એડીજી અશોક રાઠોડે જણાવ્યું હતું કે, તે 14 જુલાઈએ જયપુર આવ્યા હતા અને જુલાઇ સુધીમાં અલગ અલગ વિસ્તારમાં બત્રીસ લાખ રૂપિયા ઉપાડયા હતા. બેંકમાં તકનીકી ખામી હોવાને કારણે સર્વર હેક થઈ ગયું હતું પરંતુ ચેતવણી આપી ન હતી. આ બંને મહિલાઓ દરરોજ વેશપલટો પણ કરતી હતી જેથી એટીએમમાં સ્થાપિત સીસીટીવી કેમેરામાં તેમની ઓળખ ન થઈ શકે.
Trending News
સર્વરને હેક કરવા માટે વપરાયેલ રાસ્પબેરી પાઇ એક નાનો કમ્પ્યુટર અને મધરબોર્ડ જેવો છે. તેને આદેશો આપવાનો પ્રોગ્રામ છે. આ બંને મહિલાઓએ આ ડિવાઇસને એટીએમમાં લગાવીને વાઇ-ફાઇ દ્વારા મુખ્ય સર્વરથી દૂર કર્યું હતું અને ત્યારબાદ એટીએમનું લોકલ સર્વર બનાવી પૈસા ઉપાડવાનું શરૂ કર્યું હતું. લોકલ સર્વર બનાવ્યા પછી, એટીએમ ફક્ત આ ઠગના આદેશ પર કામ કરતો હતો. આ ઠગને અગાઉ જાણવા મળ્યું હતું કે દેશમાં કઇ બેંકો છે જે જૂની મેન્યુઅલ સેટિંગ સિસ્ટમ પર કામ કરી રહી છે અને તે જ બેંકોના એટીએમને ટાર્ગેટ બનાવે છે. પોલીસે બંનેની ધરપકડ કરી આગળની કાર્યવાહી શરૂ કરી છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news
અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.