October 11, 2024
રાજસ્થાન: બે બાળકોના પિતા અને નિવૃત્ત સૈનિકને લૂંટીને ભાગી ગયેલી કન્યાનું વધુ એક કૃત્ય સામે આવ્યું છે. કેસ સીકરનો છે. સૈનિકને છેતરતા પહેલા, આ છોકરીએ સીકરના કરિયાણાના વેપારીને પ્રેમની જાળમાં ફસાવી દીધો હતો. તેની ઉંમર તેને 30 વર્ષ જણાવી હતી. સગાઈમાં કિંમતી સામાન લીધા બાદ યુવતીના પરિવારે લગ્ન કરવાની ના પાડી દીધી હતી. ત્યારબાદ તેઓ બદનામ કરવાની ધમકીઓ આપવા લાગ્યા હતા. વેપારીનું સન્માન બચાવવા માટે, વેપારીએ મૌન રહેવું સારું માન્યું હતું.
મહિલાની છેતરપિંડીના સમાચાર અને તેનો ફોટો જોયા બાદ સીકરનો આ પીડિત જયપુરમાં અન્ય પીડિત ફૌજીને મળવા પહોંચ્યો હતો. પછી લૂંટારા દુલ્હનના કારનામાઓ સામે આવ્યા હતા. સિકરની પીડિતએ પોલીસમાં કોઈ ફરિયાદ નોંધાવી નથી. બીજો પીડિત સૈનિક કહે છે કે, મહિલાની ઉંમર 30 વર્ષથી વધુ છે. સિકરમાં રહેતા એક યુવાનની કરિયાણાની દુકાન છે. પરિવારના સભ્યો તેના લગ્ન માટે સારી છોકરીની શોધમાં હતા. ત્યારબાદ ખંડેલામાં કામ કરતી એક નર્સનો સંપર્ક પીડિતના માતા સાથે થયો હતો. તેણે વાતચીતમાં કહ્યું હતું કે, એક સારી છોકરી ધ્યાનમાં છે. ત્યારબાદ તેણે કેટલાક ફોટા બતાવીને એક મુલાકાત ગોઠવી હતી.
Trending News
પીડિત યુવકનો આરોપ છે કે, યુવતીએ પોતાનું નામ રેખા જણાવ્યું હતું. તેણીએ કહ્યું હતું કે, તે જયપુરમાં એકલી રહે છે. યુવક કરતાં આશરે આઠ વર્ષ મોટી યુવતીએ તેની ઉંમર પણ ઓછી જણાવી હતી. ત્યારબાદ થોડા દિવસોની વાતચીતમાં સુંદર ફોટા મોકલતી હતી. યુવતીએ કહ્યું હતું કે, મને બીજી જ્ઞાતિમાં લગ્ન કરવામાં કોઈ રસ નથી. ફક્ત છોકરો સરસ અને શિષ્ટ હોવો જોઈએ છે. ત્યારે મે-જૂન 2020 માં, પરિવારના સભ્યોએ છોકરીને તેમના ઘરે બોલાવી અને યુવક સાથે સગાઈ કરી હતી. ત્યારબાદ યુવકના પરિવારે યુવતીને રોકડ અને દાગીના સહિત અન્ય કિંમતી ભેટો આપી હતી.
સગાઈ પછી, શાતીર છોકરીએ પીડિત યુવક પર સિકરમાં તેની મિલકત વેચીને જયપુરમાં સ્થાયી થવા દબાણ કરવાનું શરૂ કર્યું હતું. એકવાર છોકરો પણ ગેરમાર્ગે દોરી ગયો હતો. ત્યારે યુવકના કાકાને છોકરીની વાત પર શંકા ગઈ હતી. આવામાં, ઓક્ટોબર 2020 માં યોજાનાર લગ્નની ના પાડી હતી. ત્યારબાદ યુવતીએ યુવકને બદનામ કરવાની ધમકીઓ આપવાનું શરૂ કર્યું હતું. તેણે બળાત્કારનો કેસ દાખલ કરવાની પણ ધમકી આપીને માલ લઇ લીધો હતો. નિંદાના ડરથી આખો પરિવાર ચોંકી ગયો હતો તેથી તેઓ પોલીસ સ્ટેશન પણ પહોંચ્યા ન હતા.
રેખા નામની આ જ છોકરીએ જયપુરના હરમદામાં રહેતા નિવૃત્ત સૈનિક રામદયાલ સાથે આ વર્ષે એપ્રિલમાં લગ્ન કર્યા, પછી બાળકોને માર માર્યા પછી લગ્નના ત્રીજા દિવસે કિંમતી સામાન લઈને ભાગી ગઈ હતી. ફૌજી રામદયાળના લગ્ન પણ દલાલ શ્યામસુંદર સાથે થયા હતા. કેન્સરથી પત્નીના મૃત્યુ પછી, બે બાળકોના પિતા રામદયાલ, તેમના ઉછેરની ચિંતા કરતા હતા. બાળકોને માતાનો પ્રેમ મળે તે માટે પરિવારના સભ્યોની સમજાવટ પર, તેણે રેખા સાથે લગ્ન કર્યા હતા. સંપર્કમાં આવતાં રેખાએ રામદયાલને પણ ઉંમર ઓછી જણાવીને અને લગ્ન બાદ બાળકોને માર મારતી હતી. જ્યારે આ મામલો મીડિયા સમક્ષ આવ્યો ત્યારે સિકરના પીડિત યુવકે રામદયાલનો સંપર્ક કર્યો અને સમગ્ર ઘટના જણાવી હતી. ત્યારબાદ હરમદા પોલીસ સ્ટેશન પહોંચી અને કેસ નોંધ્યો હતો.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news
અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.