November 24, 2024
રાજસ્થાન(Rajasthan)માં લગ્નના બે મહિના પછી 55 વર્ષના યુવકને 1 લાખ 80 હજાર રૂપિયામાં પત્ની વેચવા બદલ રાજસ્થાનમાં એક 17 વર્ષના કિશોરની ધરપકડ કરવામાં આવી છે. આરોપી કિશોર ઓડિશા(Odisha)ના બોલાંગીર(Bolangir) જિલ્લાનો રહેવાસી છે.
બેલપારા પોલીસ સ્ટેશનના ઈન્ચાર્જ બુલુ મુંડાએ જણાવ્યું કે, સગીર કિશોર સોશિયલ મીડિયા દ્વારા 24 વર્ષની યુવતીના સંપર્કમાં આવ્યો હતો અને બંને એકબીજાના પ્રેમમાં પડ્યા હતા. ત્યારબાદ તેમના પરિવારજનો પરંપરાગત રીતે લગ્ન કરવા રાજી થયા હતા.
લગ્નના બરાબર બે મહિના પછી કિશોરે કેટલીક આર્થિક સમસ્યાઓને ટાંકીને તેની પત્નીને તેની સાથે રાયપુર જઈને ઈંટના ભઠ્ઠામાં કામ કરવા અને સાથે કમાવા કહ્યું, પરંતુ તેના બદલે તે તેની પત્નીને રાજસ્થાનના એક ગામમાં લઈ ગયો.
Trending News
55 વર્ષના પુરુષે પત્નીને વેચી દીધી:
ઓગસ્ટમાં, દંપતી ઈંટના ભઠ્ઠામાં કામ કરવા માટે રાયપુર અને ઝાંસી થઈને રાજસ્થાન ગયા હતા. જો કે, તેની નવી નોકરીના થોડા દિવસો પછી, કિશોરે તેની પત્નીને બારન જિલ્લાના 55 વર્ષીય વ્યક્તિને 1.80 લાખ રૂપિયામાં વેચી દીધી.
પત્ની વેચ્યા પછી કિશોરે ખોરાક પર ઘણો ખર્ચ કર્યો અને તે પૈસાથી મોંઘો સ્માર્ટફોન પણ ખરીદ્યો અને તેના પિતાને ઓડિશામાં ઘરે બોલાવીને આરોપ લગાવ્યો કે તે કોઈની સાથે ભાગી ગઈ છે. યુવતીના પરિવારે તેની વાત ન સ્વીકારી અને પોલીસમાં ફરિયાદ નોંધાવી. પોલીસે તેના કોલ રેકોર્ડ તપાસ્યા અને તેની વાર્તામાં કંઈક ખોટું જણાયું.
ફરિયાદના આધારે બોલાંગીર એસપી નીતિન કુસલકર દ્વારા આ મામલે તપાસ કરવા માટે એક ટીમની રચના કરવામાં આવી હતી. એસપીએ કહ્યું કે અમે તેની પૂછપરછ કરી અને ખબર પડી કે તેણે તેની પત્નીને વેચી દીધી છે. બોલાંગીરથી એક ટીમ રાજસ્થાનમાં યુવતીને શોધવા ગઈ હતી.
છોકરીને બચાવવા માટે ઘણી મહેનત કરવી પડી
ઓરિસ્સાની પોલીસ ટીમને બરન ગામ પહોંચ્યા બાદ બાળકીને બચાવવા માટે ભારે સંઘર્ષ કરવો પડ્યો કારણ કે, ગ્રામવાસીઓએ રસ્તો રોકી દીધો હતો અને છોકરીને પોલીસ સાથે જવા દેવા માટે તૈયાર નહોતા. 55 વર્ષના માણસે કહ્યું કે અમે તેને એક લાખ 80 રૂપિયામાં ખરીદી છે.
જોકે, રાજસ્થાન પોલીસના જવાનોની મદદથી ઓડિશાની ટીમ યુવતીને નજીકના પોલીસ સ્ટેશન લઈ જવામાં સફળ રહી હતી. મહિલાને પૂછવા પર કે તે ક્યાં જવા માંગે છે, તેણે કહ્યું કે તે ઓડિશામાં તેના માતા -પિતા પાસે પાછા જવા માંગે છે. તે પછી જ ગ્રામજનોએ તેને જવા દીધી.
જો કે, કિશોરે દાવો કર્યો હતો કે, તેણે તેની પત્નીને વેચી નથી, પરંતુ તેણીને 60,000 રૂપિયામાં ગીરવે મુકી છે. તેણે કહ્યું કે તેને પૈસાની જરૂર છે કારણ કે તેને હૃદયની કેટલીક સમસ્યાઓ છે અને સર્જરીની જરૂર છે. શુક્રવારે 17 વર્ષીય કિશોરને જુવેનાઇલ કોર્ટમાં રજૂ કરવામાં આવ્યો હતો અને તેને સુધારક ગૃહમાં મોકલવામાં આવ્યો હતો.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.