November 18, 2024
હવે વર્ષ 2021 માં માત્ર 1 દિવસ બાકી છે. ત્યાર બાદ નવું વર્ષ 2022 આવશે. પરંતુ, નવું વર્ષ તમારા માટે ઘણા મોટા ફેરફારો લઈને આવી રહ્યું છે ઘણી બધી વસ્તુઓમાં મોંઘવારી(Inflation) જોવા મળશે અને વસ્તુઓ મોંઘી થશે. આ ફેરફારો તમારા રોજિંદા જીવનને પણ અસર કરશે. આવો, અમે અહીં જણાવીએ કે કયા ફેરફારો થશે અને તે તમારા ખિસ્સા પર કેવી અસર કરશે.
ATMમાંથી રોકડ ઉપાડવા પર વધુ ચાર્જ લાગશે:
ભારતીય રિઝર્વ બેંકે બેંકોને ફ્રી ટ્રાન્ઝેક્શન પછી રોકડ ઉપાડ પર ચાર્જ વધારવાની મંજૂરી આપી છે. હાલમાં બેંકો ગ્રાહકો પાસેથી 20 રૂપિયા પ્રતિ ટ્રાન્ઝેક્શન ચાર્જ કરે છે. તેમાં કરનો સમાવેશ થતો નથી. આરબીઆઈના ફ્રી ટ્રાન્ઝેક્શન પછી, બેંકોને તેમના ગ્રાહકો પાસેથી 20 રૂપિયા પ્રતિ ટ્રાન્ઝેક્શનને બદલે 21 રૂપિયા વસૂલવાની છૂટ આપવામાં આવી છે. આ નિયમ 1 જાન્યુઆરી, 2022થી લાગુ થશે.
કપડાં અને ફૂટવેરની ખરીદી મોંઘી થશે:
1 જાન્યુઆરી, 2022થી કપડાં અને ફૂટવેર પર 12 ટકા GST લાગશે. કેન્દ્ર સરકારે કાપડ, રેડીમેડ અને ફૂટવેર પરનો GST 7% વધાર્યો છે. આ સાથે હવે ઓનલાઈન ઓટો રિક્ષા બુકિંગ પર 5% GST ચૂકવવો પડશે. તમને જણાવી દઈએ કે, ઓલા, ઉબેર જેવા એપ આધારિત કેબ સર્વિસ પ્રોવાઈડર પ્લેટફોર્મ પરથી ઓટો રિક્ષા બુક કરાવવી હવે મોંઘી થશે. જોકે, ઑફલાઇન મોડ દ્વારા ઓટો રિક્ષાના ભાડામાં કોઈ ફેરફાર કરવામાં આવશે નહીં. તેને જીએસટીના દાયરાની બહાર રાખવામાં આવ્યો છે.
Trending News
ઈન્ડિયા પોસ્ટ પેમેન્ટ બેંકે રોકડ જમા કરાવવા અને ઉપાડવા માટેના શુલ્કમાં વધારો કર્યો છે:
ઈન્ડિયા પોસ્ટ પેમેન્ટ બેંક (IPPB) ખાતાધારકોએ 1 જાન્યુઆરીથી ચોક્કસ મર્યાદાથી વધુ રોકડ ઉપાડવા અને જમા કરાવવા માટે ચાર્જ ચૂકવવો પડશે. બેઝિક સેવિંગ્સ એકાઉન્ટમાંથી રોકડ ઉપાડ દર મહિને 4 વખત ફ્રી થશે. પરંતુ આ પછી, દરેક ઉપાડ પર 0.50% ચાર્જ ચૂકવવો પડશે, જે ઓછામાં ઓછા 25 રૂપિયા હશે. જોકે, બેઝિક સેવિંગ્સ એકાઉન્ટમાં પૈસા જમા કરાવવા માટે કોઈ ચાર્જ લેવામાં આવશે નહીં. બેઝિક સેવિંગ્સ એકાઉન્ટ સિવાય અન્ય સેવિંગ્સ એકાઉન્ટ અને કરન્ટ એકાઉન્ટમાં 10 હજાર રૂપિયા સુધી જમા કરાવવા માટે કોઈ ફી ચૂકવવાની રહેશે નહીં. 10 હજાર પછી 0.50% ફી લેવામાં આવશે. જે ઓછામાં ઓછા 25 રૂપિયા પ્રતિ ટ્રાન્ઝેક્શન હશે. બચત અને ચાલુ ખાતામાં દર મહિને રૂ. 25,000 સુધીની રોકડ ઉપાડ મફત હશે અને ત્યારપછીના દરેક વ્યવહાર પર 0.50% ચાર્જ કરવામાં આવશે.
નવા વર્ષમાં કાર ખરીદવી મોંઘી થશે:
નવા વર્ષમાં, તમારે મારુતિ સુઝુકી, રેનો, હોન્ડા, ટોયોટા અને સ્કોડા સહિત લગભગ તમામ કાર કંપનીઓની કાર ખરીદવા માટે વધુ કિંમત ચૂકવવી પડશે. ટાટા મોટર્સ 1 જાન્યુઆરી, 2022થી કોમર્શિયલ વાહનોના ભાવમાં 2.5% વધારો કરશે.
હવે તમે Amazon Prime પર લાઈવ ક્રિકેટ મેચ જોઈ શકશો:
હવે એમેઝોનના ઓટીટી પ્લેટફોર્મ પ્રાઇમ વિડીયો પર લાઈવ ક્રિકેટ મેચો પણ જોઈ શકાશે. એમેઝોન પ્રાઇમ વિડિયો આવતા વર્ષે 1 જાન્યુઆરી, 2022થી ન્યૂઝીલેન્ડ અને બાંગ્લાદેશ વચ્ચેની ટેસ્ટ શ્રેણી સાથે લાઇવ ક્રિકેટ સ્ટ્રીમિંગ પ્લેમાં પ્રવેશ કરી રહ્યું છે.
કોવિડ રસીની નોંધણી 15 થી 18 વર્ષના બાળકો માટે શરૂ થશે:
3 જાન્યુઆરી, 2022 થી, કોવિડ રસી 15 થી 18 વર્ષની વયના બાળકોને આપવામાં આવશે. આ માટે 1 જાન્યુઆરીથી કોવિન એપ પર રજીસ્ટ્રેશન કરાવી શકાશે. શાળા દ્વારા જારી કરાયેલ આઈડી કાર્ડ પણ નોંધણી માટે ઓળખ પુરાવા તરીકે માન્ય રહેશે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.