November 24, 2024
બોલિવૂડ(Bollywood): એક્ટર રિતિક રોશન(hrithik roshan) પોતાની પર્સનલ લાઈફને લઈને અવાર-નવાર ચર્ચામાં રહે છે. પત્ની સુઝેન ખાન(Suzanne Khan) સાથેના છૂટાછેડા પછી તેનું નામ અન્ય કોઈ સાથે જોડાયું ન હતું. પરંતુ હવે તે એક મિસ્ટ્રી ગર્લ સાથે જોવા મળ્યો છે, જેના પછી તેમના સંબંધો વિશે સમાચારો ઉડવા લાગ્યા છે. હૃતિક રોશન મુંબઈના ખાર વિસ્તારમાં એક છોકરી સાથે જોવા મળ્યો હતો, જેના પછી ચાહકોએ સવાલ કરવા માંડ્યા કે તેની સાથે આ મિસ્ટ્રી ગર્લ કોણ છે? આ દરમિયાન વીડિયો પણ સામે આવ્યો છે.
મિસ્ટ્રી ગર્લ સાથે ડિનર માટે પહોંચ્યો રિતિક રોશન
રિતિક રોશન હાલમાં જ એક મિસ્ટ્રી ગર્લ સાથે ડિનર માટે પહોંચ્યો હતો, પરંતુ રેસ્ટોરન્ટમાંથી બહાર આવતા જ પાપારાઝીઓએ તેને જોયો હતો. વીડિયોમાં જોઈ શકાય છે કે રિતિક રોશન એક મિસ્ટ્રી ગર્લનો હાથ પકડીને રેસ્ટોરન્ટની બહાર નીકળી રહ્યો છે. તે મિસ્ટ્રી ગર્લને કારમાં બેસાડે છે અને પછી તે જ કારમાં બેસીને જતો રહે છે. જોકે, આ દરમિયાન મિસ્ટ્રી ગર્લનો ચહેરો દેખાતો ન હતો કારણ કે તેણે ફેસ માસ્ક પહેર્યું હતું.
View this post on Instagram
Trending News
લોકો પૂછવા લાગ્યા આવા પ્રશ્નો
આ વીડિયો સેલિબ્રિટી ફોટોગ્રાફર યોગેન શાહે ઈન્સ્ટાગ્રામ એકાઉન્ટ પર શેર કર્યો છે. મિસ્ટ્રી ગર્લ સાથે રિતિક રોશનનો આ વીડિયો વાયરલ થતાં જ લોકો પૂછવા લાગ્યા કે આ છોકરી કોણ છે અને તેનું નામ શું છે. ઘણા લોકો અનુમાન લગાવવા લાગ્યા કે રિતિક આ છોકરીને ડેટ કરી રહ્યો છે. તે જ સમયે, કેટલાક વપરાશકર્તાઓએ કહ્યું કે કદાચ તે છોકરી તેમના પરિવારની સભ્ય હોઈ શકે છે.
હૃતિક રોશનની ફિલ્મો
તમને જણાવી દઈએ કે, આ દિવસોમાં રિતિક રોશન પોતાના કામ પર વધુ ધ્યાન આપી રહ્યો છે. એક પછી એક ઘણી જબરદસ્ત ફિલ્મો આવવાની છે. હાલમાં જ રિતિક રોશનની નવી ફિલ્મ ‘વિક્રમ વેધા’નો તેનો ફર્સ્ટ લૂક રિલીઝ કરવામાં આવ્યો હતો. તે તમિલ સુપરહિટ ફિલ્મ વિક્રમ વેધાની હિન્દી રિમેક છે. આ ફિલ્મમાં તેની સાથે સૈફ અલી ખાન અને રાધિકા આપ્ટે જેવા સ્ટાર્સ જોવા મળશે. આ સિવાય તેની ફિલ્મ ‘ફાઈટર’ પણ પાઈપલાઈનમાં છે જેમાં તે દીપિકા પાદુકોણ સાથે કામ કરી રહ્યો છે. આ ફિલ્મના દિગ્દર્શનની જવાબદારી સુપરહિટ ફિલ્મ ‘વોર’નું દિગ્દર્શન કરનાર સિદ્ધાર્થ આનંદે લીધી છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.