November 24, 2024
હાલમાં ઉત્તર પ્રદેશમાં 2022ની વિધાનસભા ચૂંટણી માટે ઉત્સાહ શરૂ થઈ ગયો છે અને ચૂંટણીને લઈને દરરોજ નવી-નવી વાતો બહાર આવી રહી છે. યુપીના ડેપ્યુટી સીએમ કેશવ પ્રસાદ મૌર્યના ગૃહ જિલ્લા કૌશામ્બીમાં આવું નમો મંદિર છે, જ્યાં વડાપ્રધાન મોદીની મૂર્તિ સ્થાપિત છે. પીએમ મોદીની મૂર્તિના કારણે આ મંદિર ચર્ચાનો વિષય બન્યું છે.. અહીંના ‘નમો મંદિર’ (pm modi temple in kaushambi) ના પૂજારીઓ દરરોજ મહામૃત્યુંજય મંત્રનો જાપ કરે છે અને ઉત્તર પ્રદેશમાં ફરીથી યોગી સરકારની રચના માટે પ્રાર્થના કરે છે.
તેઓ માને છે કે અહીં વડાપ્રધાન મોદીની મૂર્તિ સ્થાપિત કરીને અને ભગવાન શિવની પૂજા કરવાથી રાજ્યમાં ભાજપની સરકાર બનશે. 2014માં જ્યારે દેશમાં વડાપ્રધાન નરેન્દ્ર મોદીની સરકાર બની ત્યારે તેમણે આ પ્રતિમાની સ્થાપના કરી હતી. મળતી માહિતી અનુસાર કૌશામ્બીનું આ અનોખું મંદિર ચૈલ વિધાનસભાના ભગવાનપુર ગામમાં આવેલું છે.
આ ગામમાં એક પ્રાચીન શિવ મંદિર છે જ્યાં પૂજારી બ્રજેન્દ્ર નારાયણ મિશ્રા ઉર્ફે ભગવાનપુરીએ 21 જાન્યુઆરી, 2014ના રોજ વડાપ્રધાન નરેન્દ્ર મોદીની મૂર્તિ સ્થાપિત કરી હતી. આ પ્રતિમા સ્થાપિત કરવા પાછળનો તેમનો હેતુ એ હતો કે નરેન્દ્ર મોદી દેશના વડાપ્રધાન બને. તેમના મતે, પ્રતિમાના સ્થાપન પછી, સંપૂર્ણ બહુમતી સાથે ભાજપની સરકાર સતત બની રહી છે. બ્રિજેન્દ્ર નારાયણ મિશ્રા ઉર્ફે ભગવાનપુરીએ એક ટીવી ચેનલ સાથે વાત કરતા જણાવ્યું હતું કે તેણે 2014માં નરેન્દ્ર મોદીની મૂર્તિ સ્થાપિત કરી હતી કારણ કે તેઓ પ્રાર્થના કરીને નરેન્દ્ર મોદીને વડાપ્રધાન તરીકે જોવા માંગતા હતા.
Trending News
તેઓનું માનવું છે કે ભગવાન શિવની પૂજાના કારણે દેશમાં 2014 અને 2019માં વડાપ્રધાન મોદીની સરકાર બની હતી. એટલું જ નહીં 2017માં ઉત્તર પ્રદેશમાં પણ ભાજપની પૂર્ણ બહુમતીવાળી સરકાર બની હતી. આ વખતે ફરીથી 2022માં ભાજપની સંપૂર્ણ બહુમતની સરકાર બનાવવા માટે સતત પૂજા કરવામાં આવી રહી છે. પૂજારીએ કહ્યું કે તેમનો સંકલ્પ છે કે દેશના વડાપ્રધાન નરેન્દ્ર મોદી પોતે અહીં આવશે અને ત્યારબાદ જ તેઓ આ સંકલ્પ અને પૂજાનું સમાપન કરશે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.