સાવચેત! વાયરસના સંક્રમણ પર WHOની આ વાતો તમારા માટે જાણવી છે ખુબ જ જરૂરી

કોરોના(Corona) બાદ હવે મંકીપોક્સ(Monkeypox) નામની બીમારીએ સમગ્ર વિશ્વમાં ભયનો માહોલ સર્જ્યો છે. ડબ્લ્યુએચઓના ડિરેક્ટર સિલ્વી બ્રાયંડ મંકીપોક્સના સમુદાયના ફેલાવાના જોખમ પર કહ્યું, “અમને ડર છે કે આ બીમારીનો ફેલાવો થશે, પરંતુ હાલમાં આ જોખમનું મૂલ્યાંકન કરવું ખૂબ મુશ્કેલ છે.” ઘણા દેશોમાં, થોડા દિવસોમાં 20 થી વધુ કેસ નોંધાયા છે અને આ રોગ વિશે ઘણી વસ્તુઓ અજાણ છે. હાલમાં, આ રોગની તપાસ કરવામાં આવી રહી છે.

સમગ્ર વિશ્વમાં કોરોનાએ હાહાકાર મચાવ્યો હતો. હવે મંકીપોક્સ નામની બીમારીએ ખતરાની ઘંટડી વગાડી છે. આ વાયરસે જે ઝડપે ઘણા દેશોમાં દસ્તક આપી છે તે અંગે ભય પેદા થવા લાગ્યો છે. હવે વર્લ્ડ હેલ્થ ઓર્ગેનાઈઝેશને આ ચેતવણી પર પોતાની તરફથી નિવેદન જાહેર કર્યું છે.

એક તરફ જ્યાં કોરોના મહામારીએ હજુ સુધી લોકોનો પીછો છોડ્યો નથી. આવી સ્થિતિમાં વધુ એક ખતરનાક રોગ મંકીપોક્સે દસ્તક આપી છે. વર્લ્ડ હેલ્થ ઓર્ગેનાઈઝેશને કહ્યું કે મંકીપોક્સના કેસોને સરળતાથી રોકવા માટે યોગ્ય પગલાં લેવા જોઈએ અને તેની રસીના સ્ટોક વિશેનો ડેટા પણ શેર કરવો જોઈએ.

વર્લ્ડ હેલ્થ ઓર્ગેનાઈઝેશનના અધિકારીએ કહ્યું, “અમને આ રોગની માત્રા ખબર નથી. પરંતુ મેં કહ્યું તેમ, આપણે એક દેશ તરીકે વધુ સતર્ક રહેવું જોઈએ, જેથી આપણે વધુ કેસ વિશે જાણકારી મળી શકે. WHOના ડાયરેક્ટર સિલ્વી બ્રાયન્ડે કહ્યું કે, અમને લાગે છે કે જો આપણે અત્યારે યોગ્ય પગલાં લઈશું તો કદાચ તેને સરળતાથી નિયંત્રિત કરી શકીશું.