November 06, 2024
આપણા દેશમાં હજી પણ ઘણી મહિલાઓ(Women) આત્મનિર્ભર(Self-reliant) નથી. તેથી દેશમાં પછાત વર્ગની મહિલાઓને આત્મનિર્ભર બનાવવા માટે ભારત સરકાર(Government of India) દ્વારા અનેક નવી યોજનાઓ અમલમાં મુકાતી હોય છે. આ યોજનાઓમાની જ એક યોજના સ્ટેન્ડ-અપ ઈન્ડિયા યોજના(Stand-up India scheme) છે. જેમાં દેશની અનુસૂચિત મહિલાઓ સ્વરોજગારી મેળવી શકે તે માટે યોજના હેઠળ અનુસૂચિત મહિલાઓને આર્થિક મદદ કરવામાં આવે છે. જેથી મહિલાઓ સમાજમાં પોતાની આગવી ઓળખ બનાવી શકે.
એક રીપોર્ટ અનુસાર, આ યોજના ભારત સરકાર દ્વારા વર્ષ 2016 માં શરૂ કરવામાં આવી હતી. આ યોજના ખાસ કરીને અનુસૂચિત જાતિ, અનુસૂચિત જનજાતિ અને તમામ વર્ગની મહિલાઓ માટે શરૂ કરવામાં આવી હતી. આ સાથે મહિલાઓને પોતાનું અલગ સ્ટાર્ટઅપ શરૂ કરવા માટે આ યોજનામાં બેંક તરફથી મદદ પણ આપવામાં આવે છે. મદદ તરીકે, આ રકમ 10 લાખ રૂપિયાથી લઈને 1 કરોડ રૂપિયા સુધીની હોઈ શકે છે.
તમને જણાવી દઈએ કે આ રકમનો વ્યાજ દર બેંકના વર્તમાન વ્યાજ દરના પરિપત્ર મુજબ નક્કી કરવામાં આવશે. આ સિવાય તમે 18 મહિનાથી 7 વર્ષ સુધી બેંકની રકમ સરળતાથી પરત કરી શકો છો.
Trending News
આ યોજનાનો મુખ્ય ઉદેશ્ય બેંક શાખામાં ઓછામાં ઓછા એક SC અથવા ST ને રોજગાર પ્રદાન કરવું. તેમજ લોકોને આર્થિક મદદ કરવી. આ સિવાય જો મહિલાઓ પોતાનું સેટઅપ ઉભું કરવા માંગે છે તો તેમને બેંક તરફથી લગભગ 10 લાખથી 1 કરોડ રૂપિયાની આર્થિક મદદ પણ આપવામાં આવશે. તેમજ આ યોજનાથી દેશમાં પછાત વર્ગની મહિલાઓને આત્મનિર્ભર અને મજબૂત બનાવવાનો મુખ્ય હેતુ છે.
મળતી માહિતી અનુસાર આ યોજનાનો લાભ ફક્ત અનુસૂચિત જાતિ, અનુસૂચિત જનજાતિ અથવા મહિલા ઉદ્યોગસાહસિક જ લઈ શકે છે. તેમજ આ યોજનામાં જોડાવા માટે મહિલાઓની ઉંમર ઓછામાં ઓછી 18 વર્ષની હોવી જોઈએ.
જરૂરી દસ્તાવેજો
મોબાઇલ નંબર, પાસપોર્ટ સાઇઝનો ફોટો, પાન કાર્ડ, આધાર કાર્ડ, મતદાર આઈડી, જાતિ પ્રમાણપત્ર, કાયમી પ્રમાણપત્ર, વ્યવસાય પ્રમાણપત્ર, બેંક એકાઉન્ટ, પ્રોજેક્ટ રિપોર્ટ
સ્ટેન્ડ-અપ ઈન્ડિયા યોજનાની અરજી પ્રક્રિયા
આ યોજનાનો લાભ લેવા માટે, તમારે પહેલા સરકાર દ્વારા જારી કરવામાં આવેલી સત્તાવાર વેબસાઇટ પર જવું પડશે. જ્યાં તમારે યુમાં એક્સેસ લોનના વિકલ્પ પર ક્લિક કરવાનું રહેશે અને અહીં અરજી પર ક્લિક કરો. આ પછી તમારે New Entrepreneur પર ક્લિક કરવાનું રહેશે. તે તમને કેટલીક મહત્વપૂર્ણ માહિતી પૂછશે. ત્યાં તમારે તેને યોગ્ય રીતે ભરવાનું છે.
આ પછી તમારા મોબાઈલ નંબર પર એક OTP આવશે. જે તમારે બાજુની કોલમમાં ભરવાનું રહેશે. આ પછી તમારી સામે એપ્લિકેશન ફોર્મ ખુલશે અને તેમાં પૂછવામાં આવેલી તમામ માહિતી ધ્યાનપૂર્વક ભરો. આ રીતે તમે આ એપ્લિકેશન પ્રક્રિયા સરળતાથી પૂર્ણ કરી શકો છો.