ગેંડાનો પિત્તો છટક્યો અને ડ્રાઈવર સહીત કારનો વાળી દીધો કચ્ચરઘાણ- વિડીયો જોઇને શ્વાસ થંભી જશે

વાયરલ(Viral): તમે ઘણીવાર જોયું હશે કે જ્યારે પ્રાણીઓ ગુસ્સે થાય છે ત્યારે તેઓ દરેક વસ્તુને નુકસાન પહોંચાડવનો પ્રયાસ કરે છે. પ્રાણીઓને શાંત પાડવું એટલું સરળ નથી. ગુસ્સે થયા પછી, તેઓ કાં તો તોડફોડ કરે છે અથવા એકબીજાને નુકસાન પહોંચાડવાનો પ્રયાસ કરે છે. આ દિવસોમાં સોશિયલ મીડિયા(Social media) પર ગુસ્સે ભરાયેલા ગેંડાનો એક વિડીયો વાયરલ(Video viral) થઈ રહ્યો છે. આ વિડીયો જોઈને તમારા રૂવાડા બેઠા થઇ જશે.

વીડિયો કોઈ જંગલનો હોય તેવું લાગી રહ્યું છે. જેમાં તમે જોઈ શકો છો કે એક ગેંડો ખૂબ જ ગુસ્સામાં છે. ગેંડો એટલો ગુસ્સે થાય છે કે તે તેની સામે પાર્ક કરેલી કાર પણ છોડતો નથી અને કાર પર હુમલો કરે છે. સૌથી ચોંકાવનારી વાત એ છે કે જ્યારે ગેંડો તેને ખરાબ રીતે નુકસાન પહોંચાડવાનો પ્રયાસ કરી રહ્યો હતો ત્યારે ડ્રાઈવર વાહનની અંદર હાજર હતો.

વીડિયોમાં જોઈ શકાય છે કે ગેંડાએ વાહન પર એક-બે વાર નહીં, પરંતુ ઘણી વખત પોતાની શક્તિનો ઉપયોગ કર્યો અને ત્રણ વખત વાહનને પલટી નાખ્યું. તમે જોઈ શકો છો કે ગેંડાએ થોડી જ મિનિટોમાં કારને ઉડાવી દીધી હતી. આ વીડિયો જર્મનીના સેરેનગેતી સફારી પાર્કનો જણાવવામાં આવી રહ્યો છે. આ વીડિયો થોડા દિવસ જૂનો છે, પરંતુ આ દિવસોમાં ફરી તે સોશિયલ મીડિયા પર વાયરલ થઈ રહ્યો છે.