પોલીસે ગિરફ્તાર કરી 2 બકરીઓ ને,જાણો શું છે કારણ...

તેલંગાણાના કરીમનગરમાં હુઝરાબાદ ખાતે પોલીસ સ્ટેશનમાં પોલીસે બે બકરાને પકડ્યા હતા અને બાંધી હતી. આરોપ છે કે બકરીઓ તેલંગાણા સરકારની લીલી ઝુંબેશ ‘હરીતા: હારમ’ અંતર્ગત વાવેલા 250 બદામના છોડ ખાતી હતી.

પોલીસે કહ્યું કે ‘સેવ ધ ટ્રીઝ’ નામની એક એનજીઓએ આજુબાજુમાં 980 જંગલી બદામ છોડ રોપ્યા હતા, પરંતુ આ બકરાએ 250 છોડ ખાધા હતા. આ અંગે એનજીઓ એક્ટિવિસ્ટ કાયસા વિક્રાંત દ્વારા અનેક વખત ફરિયાદ કરવામાં આવી હતી. આ પછી આ કાર્યવાહી કરવામાં આવી હતી. જો કે, બકરીઓના માલિક દોરનકોંડા રાજા પર એક હજાર રૂપિયાનો દંડ લાદતાં તેને છૂટા કરવામાં આવ્યા હતા.