April 28, 2024
Hyundaiએ CNG સાથે Aura સબ-કોમ્પેક્ટ સેડાનનું નવું વેરિઅન્ટ લોન્ચ કર્યું છે. કોરિયન કાર નિર્માતાએ સત્તાવાર રીતે SX મોડલમાં CNGનો વિકલ્પ આપ્યો છે. આ મૉડલ 1.2-લિટર કપ્પા ડ્યુઅલ VTVT વાયો ફ્યુઅલ પેટ્રોલ એન્જિન સાથે આવે છે. Hyundai Aura SX CNG વેરિઅન્ટની કિંમત રૂ. 8.56 લાખ (એક્સ-શોરૂમ) છે.
Hyundai Aura SX CNG મોડલના નવા વેરિઅન્ટની કિંમત S CNG વેરિઅન્ટ કરતાં લગભગ રૂ. 69,000 વધુ છે. SX CNG વેરિઅન્ટ પણ પેટ્રોલ સંચાલિત વેરિઅન્ટ કરતાં 95,000 મોંઘા છે.
Hyundai Aura CNG મૉડલની કિંમત 7.87 લાખ રૂપિયાથી શરૂ થાય છે અને 8.56 લાખ રૂપિયા (એક્સ-શોરૂમ) સુધી જાય છે. આ કિંમતે, Aura CNG, Tata Tigor CNG મૉડલને ટક્કર આપે છે, જેની કિંમત રૂ. 7.85 લાખથી શરૂ થાય છે અને રૂ. 8.57 લાખ સુધી જાય છે. Maruti Dzire CNG મોડલ થોડા વધુ મોંઘા છે અને તેની કિંમત ₹8.23 લાખથી શરૂ થાય છે અને ₹8.91 લાખ (એક્સ-શોરૂમ) સુધી જાય છે.
Trending News
અગાઉ, Hyundai માત્ર S CNG વેરિઅન્ટમાં એક જ એન્જિન સાથે Aura CNG મોડલ ઓફર કરતી હતી. નવું વેરિઅન્ટ હવે કાર નિર્માતાનું ટોપ-ઓફ-ધ-રેન્જનું CNG મોડલ છે. જેમાં નીચેના વેરિઅન્ટ કરતાં વધુ સુવિધાઓ છે. તેમાં 8-ઇંચની ટચસ્ક્રીન ઇન્ફોટેનમેન્ટ સિસ્ટમ, રિવર્સ પાર્કિંગ કેમેરા અને 15-ઇંચના ડ્યુઅલ-ટોન એલોય વ્હીલ્સ મળશે.
Hyundai Aura એ CNG સબ-કોમ્પેક્ટ સેડાન સેગમેન્ટની કેટલીક કારમાંની એક છે. ભારતમાં CNG વાહનોના ગ્રાહકોની વધતી સંખ્યાનો લાભ લેવા તાજેતરમાં ટાટા મોટર્સે CNG સાથે ટિગોર સબ-કોમ્પેક્ટ સેડાન લોન્ચ કરી છે. હ્યુન્ડાઈ વધુ ફીચર-પેક્ડ Aura CNG વેરિઅન્ટ લોન્ચ કરીને ટાટાને ટક્કર આપવાનું લક્ષ્ય રાખે છે. મારુતિ એકમાત્ર અન્ય કાર નિર્માતા છે જે સબકોમ્પેક્ટ સેડાનમાં CNG ઓફર કરે છે. જોકે, મારુતિ ડિઝાયર માત્ર નીચલા ટ્રીમ્સમાં જ CNG ઓફર કરે છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
