November 28, 2024
ગાઝિયાબાદ(Ghaziabad)માં શહીદ સ્થળ મેટ્રો સ્ટેશન(Metro station) નજીક ફ્લાયઓવર પર શુક્રવારે રાત્રે લગભગ 12 વાગ્યે એક ભયાનક અકસ્માત(Accident) થયો હતો, જેમાં બે લોકોના મોત થયા હતા અને દસથી વધુ લોકો ઘાયલ થયા હતા. અકસ્માતનું કારણ ટ્રક ચાલકનો બેક ગિયર લગાવીને ટ્રકને ઊંધી હંકારી હતી.
પાછળથી આવતી બે ઓટો અને એક બાઇકને ટ્રકે કચડી નાખ્યા હતા. પોલીસે ભારે જહેમતથી ઓટોમાં ફસાયેલા ઘાયલોને બહાર કાઢવા માટે ઓટોના પતરાને કાપવા પડ્યા હતા. અકસ્માત બાદ ચાલક ટ્રકમાંથી કૂદીને ભાગી ગયો હતો.
પોલીસે જણાવ્યું કે, ટ્રક ફ્લાયઓવર પર સ્પીડમાં હતી. તેની પાછળ કેટલાય વાહનો દોડી રહ્યા હતા. ડ્રાઈવરે અચાનક બેક ગિયર લગાવી દીધું. ટ્રક ઢોળાવ પર હતી, તેથી સ્પીડ ઘણી વધારે હતી. પાછળ આવતા વાહને તેને ટક્કર મારી હતી. પ્રથમ ટ્રકે ઓટોને કચડી નાખ્યો હતો. આ પછી, ટ્રક ફ્લાયઓવરની દિવાલ પર થંભી ગઈ અને ઓટો અને અન્ય ઓટોની પાછળ આવતી બાઇકને કચડી નાખી હતી.
Trending News
રાહદારીઓએ નજીકમાં તપાસ કરી રહેલા પોલીસકર્મીઓને જણાવ્યું હતું. પોલીસ ઘાયલોને જિલ્લા હોસ્પિટલમાં લઈ ગઈ. તેમની હાલત અત્યંત ગંભીર હોવાનું કહેવાય છે. ઓટોના કુરચે કુરચા બોલી ગયા હતા, જેમાં બેના ઘટનાસ્થળે જ મોત થયા હતા. મૃતકોની ઓળખ થઈ ગઈ છે. વિશાલ ઈટાવા અને સંજય હરદોઈનો રહેવાસી હતો.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.