નર્સ-ડોક્ટર ઊંઘતા રહ્યા ને, સુરત સિવિલમાં એક યુવકે ગળાફાંસો ખાઈ કરી લીધો આપઘાત

સુરત(Surat): શહેરમાં આપઘાતની ઘટનાઓ દિવસેને દિવસે વધતી જણાઈ રહી છે. આજે લોકો નજીવી બાબતે પોતાનું જીવન ટૂંકાવી દેતા હોય છે. ત્યારે હાલ આવી જ વધુ એક આપઘાતની ઘટના સામે આવી છે. જાણવા મળ્યું છે કે, નવસારી (Navsari)ના એક યુવાને સિવિલ (Civil Hospital)ના F-2 વોર્ડ (F-2 Ward)માં ગળે ફાંસો ખાઈ પોતાનું જીવન ટુંકાવ્યું છે. હાલ આ ઘટનાનું કારણ જાણવા તપાસ હાથ ધરવામાં આવી છે.

મળતી માહિતી અનુસાર, મૂળ નવસારીના રહેવાસી યુવાને સિવિલના F-2 વોર્ડમાં ગળે ફાંસો ખાઈ પોતાનું જીવન ટુંકાવ્યું છે. આ ઘટના વહેલી સવારે 5:30 પહેલા બની હતી. ડોક્ટરો અને પરિચારિકાઓ ઉંઘતા રહયા હતા, ત્યારે નવસારીના આ યુવાને વહેલી સવારે ગળે ફાંસો ખાઈ પોતાનું જીવન ટુંકાવ્યું હતું. ત્યારે હવે સવાલ એ ઉઠે છે કે, આપઘાત પાછળ ડોક્ટર અને પરિચારિકાઓની બેદરકારી કહી શકાય કે નહીં?

આ ઘટના અંગે જાણવા મળ્યું છે કે, મયુર પટેલને પેટ(સ્વાદુ પિંડ) ખરાબ થઈ જતા સિવિલમાં દાખલ કરાયો હતો. ત્યારે મયુરે સિવિલના F-2 વોર્ડમાં ગળે ફાંસો ખાઈ લીધો હતો, જે ખરેખર ગંભીર બાબત છે. ત્યારે હવે આ અંગે ઘણા લોકોનું કહેવું છે કે, જવાબદાર વ્યક્તિ નાના કર્મચારીઓના માથે ડોસનો ટોપલો નાખી ઘટનાનું પડીકું વાળી દેશે. જયારે લોક પ્રતિનિધિઓએ તો આ અંગે કોઈ પ્રતિક્રિયા આપી જ નથી.