November 25, 2024
હાલ એક હચમચાવી દેતી ઘટના સામે આવી છે. જાણવા મળ્યું છે કે, ઉધના(Udhana) બીઆરસી ખાતે ડ્રાઇગ મિલ (Dry Mill)માં માસ્તર તરીકે નોકરી કરતા યુવકે ફેસબુક(Facebook) પર સ્યૂસાઇડનોટ અપલોડ કરી આપઘાત કરી લીધો હતો. સ્યુસાઇડ નોટમાં લખ્યું છે કે પત્ની અને સાળાએ મારી નાખવાની ધમકી આપી ગાયનું માંસ(beef) ખવડાવી દીધું હતું. જેના કારણે આ પગલું ભર્યુ છે. આ ઘટના બે મહિના પહેલા બની હતી. વતનથી એક મિત્ર મારફતે મૃતકના ભાઈને આપઘાતની ખબર પડી હતી. આથી માતાએ ઉધના પોલીસમાં ફરિયાદ આપી છે. જેના આધારે પોલીસે આરોપીઓ વિરુદ્ધ ગુનો નોંધી વધુ તપાસ હાથ ધરી છે.
મળતી માહિતી અનુસાર, રોહિત સિંગ(27) ઉધના બીઆરસીમાં ડાઇગ મિલમાં નોકરી કરતો હતો. તે સમયે મિલમાં નોકરી કરતી સોનમ અલી સાથે પ્રેમ થયો હતો. સોનમ મુસ્લિમ હોય અને તેના અગાઉ લગ્ન થયેલા હોય જેના કારણે પરિવારજનોએ રોહિત સિંગને લગ્ન કરવાની ના પાડી હતી અને લગ્ન કરે તો અલગ રહેવાની વાત કરી હતી.
Trending News
એકલા રહેવાની વાતને કારણે રોહિત સિંગ પરિવારને છોડી સોનમ સાથે છેલ્લા એક વર્ષથી રહેતો હતો અને પરિવાર સાથે કોઈ સંબંધ પણ રાખ્યો ન હતો. આ દરમિયાન રોહિતસિંગને પત્ની અને સાળા મુક્તાર અલીએ જાનથી મારી નાખવાની ધમકી આપી ગૌ-માંસ ખવડાવી માનસિક ત્રાસ આપતા હતા. જેના કારણે રોહિતસિંગએ 27મી જુને બપોરના સમયે પોતાના ઘરે ફાંસો ખાઈ આપઘાત કરી લીધો હતો. રોહિતસિંગના મોતની ખબર પરિવારને આપી ન હતી અને અંતિમ સંસ્કાર મકાન માલિકે પાસે કરાવી દીધા હતા.
બે મહિના પછી પરિવારજનોને સોશિયલ મીડિયાના માધ્યમથી એક મિત્રના મારફતે ભાઈના આપઘાતની ખબર પડી હતી. સોશિયલ મીડિયાના એકાઉન્ટમાં મૃતકે પોતે લખેલી સ્યૂસાઇડ નોટ આધારે પરિવારે ફરિયાદ નોંધાવી છે. જેના આધારે પોલીસે મૃતકની પત્ની સોનમ જાકીર અલી અને તેનો ભાઈ મુક્તાર અલી સામે આપઘાતની દુષ્પ્રેરણાનો ગુનો દાખલ કર્યો છે.
હિંદીમાં સ્યૂસાઇડનોટ લખી ફેસબુક પર મુકી:
મૃતકે સ્યૂસાઇડનોટમાં લખ્યું હતું કે, આજ મે ઈસ દુનિયા કો છોડ કે જા રહા હું, મેરી મોત કા કારણ મેરી બીબી સોનમ ઔર ઉસકા ભાઈ અખ્તર અલી હૈ, મેરે સભી દોસ્તો સે અનુરોધ હૈ, આપ લોગ મુજે ઇનસાફ દિલાના, મુજે જાન સે મારને કી ધમકી દેકર ગૌ-માંસ ખીલાયા ગયા, મેં અબ ઈસ દુનિયા મે જીને કે લાયક નહિ હું, ઈસી લીયે મે આપઘાત કરને જા રહા હું, આપકા અપના રોહિતસિંગ.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.