નવસારીમાં એક જ પરિવારના પાંચ લોકોની અર્થી ઉઠી, આખેઆખું ટેન્કર કાર પર ઢળી પડતા પાપડ થઇ કાર

નવસારી(ગુજરાત): આજકાલ રાજ્યમાં વધી રહેલા અકસ્માત(Accident)ના બનાવો દરમિયાન ફરીવાર એક ગોઝારો અકસ્માત સામે આવ્યો છે. જેમાં નવસારી(Navsari)ના કસ્બા ધોળાપીપળા માર્ગ(Kasba Dholapipla Marg) ઉપર એક ફૂલ સ્પીડમાં જતા કન્ટેનર(Container) સાથે સીએનજી કાર ધડાકાભેર અથડાઈ હતી. જેના પગલે કેન્ટેનર કાર(car) ઉપર પડતા કારનો કચ્ચરઘાણ વળી ગયો હતો.

જાણવા મળ્યું છે કે, આ ઘટનામાં પાંચ લોકોના ઘટનાસ્થળે જ મોત નીપજ્યા હતા. ઘટનાના પગલે ટ્રાફિક જામના દ્રશ્યો સર્જાયા હતા જેથી પોલીસે તેમજ ફાયર બ્રિગેડે તાત્કાલિક ઘટનાસ્થળે જઈને આગળની સ્થિતિ સંભાળી હતી. પ્રાપ્ત માહિતી અનુસાર, નવસારી શહેરના ધોળાપીપળા રોડ પર એક સીએનજી કાર પૂરપાટ ઝડપે આવતા કન્ટેનર સાથે અથડાઈ હતી. જેના કારણે કન્ટેનર ઇકો કાર સાથે અથડાતા કારનો કચ્ચરઘાણ વળી ગયો હતો. કારની ટક્કરથી નવસારીના સમરોલી ગામના પાંચ લોકોના ઘટનાસ્થળે જ મોત થયા હતા.