November 02, 2024
હાલ એક ચોકાવનારી ઘટના સામે આવી છે. જેમાં અચાનક એક વ્યક્તિના બેંક ખાતામાં 6 કરોડ રૂપિયાથી વધુની રકમ આવી ગઈ હતી. આટલી મોટી રકમ મળ્યા બાદ તે આનંદથી ઉછળી પડ્યો અને ઝડપથી પૈસા ખર્ચવા લાગ્યો. આ પૈસા એક દંપતીએ ભૂલથી તેના ખાતામાં મોકલી દીધા હતા. પરંતુ વ્યક્તિએ આ અંગે બેંકર્સને જાણ કરી ન હતી. જોકે બાદમાં તેની ધરપકડ કરવામાં આવી હતી. તાજેતરમાં, કોર્ટે છેતરપિંડી (Fraud)ના કેસમાં વ્યક્તિને દોષી ઠેરવ્યો છે. હવે તેને ડિસેમ્બરમાં સજા સંભળાવવામાં આવશે.
વાસ્તવમાં, એક દંપતિએ નવું ઘર ખરીદ્યું હતું અને તેઓ તેના માટે ચૂકવણી કરી રહ્યા હતા. પરંતુ બેંક વિગતોની ખોટી એન્ટ્રીના કારણે પૈસા બીજાના ખાતામાં ટ્રાન્સફર થઈ ગયા. જેના ખાતામાં આ પૈસા પહોંચ્યા, તેણે આ વાત છુપાવી. તેણે વૈભવી જીવનશૈલી જીવવાનું શરૂ કર્યું અને અહીં અને ત્યાં પૈસા ખર્ચવાનું શરૂ કર્યું. બાદમાં ખબર પડતાં તે જેલ પહોંચી ગયો હતો.
મળતી માહિતી મુજબ આ વ્યક્તિનું નામ અબ્દેલ ગડિયા છે. 24 વર્ષીય અબ્દેલ ઓસ્ટ્રેલિયાના સિડનીમાં રહે છે અને વ્યવસાયે રેપર છે. બુધવારે, તેને સિડનીની કોર્ટમાં રજૂ કરવામાં આવ્યો હતો જ્યાં તેને બેંક છેતરપિંડી સંબંધિત કેસમાં દોષી ઠેરવવામાં આવ્યો હતો.
Trending News
ખાતામાં 6 કરોડ આવતાની સાથે જ ખર્ચ કરવા લાગ્યા!
કોર્ટમાં સુનાવણી દરમિયાન કહેવામાં આવ્યું હતું કે એક કપલ ઘર ખરીદવાની અંતિમ પ્રક્રિયામાં છે. તેઓએ કોમનવેલ્થ બેંકમાં પૈસા ટ્રાન્સફર કરવાના હતા. પરંતુ ભૂલથી તેણે અબ્દેલ ગઢિયાના ખાતામાં 6 કરોડ 14 લાખ રૂપિયા મોકલી દીધા હતા. અબ્દેલ કોઈને જાણ કર્યા વિના આ પૈસા ઉડાડવા લાગ્યો. તેણે સોનું, મોંઘા કપડાં, મેકઅપ વગેરે જેવી વસ્તુઓ ખરીદી. તે લક્ઝરી પાર્ટીઓમાં ગયો, બારમાં મજા કરી અને ઘણા પૈસા ખર્ચ્યા.
અબ્દલે પોલીસને જણાવ્યું કે જ્યારે તે જાગ્યો તો તેણે જોયું કે ખાતામાં કરોડો રૂપિયા છે. જે બાદ તેણે વિલંબ કર્યા વિના અલગ-અલગ જગ્યાએથી લગભગ 5 કરોડનું સોનું ખરીદ્યું. પછી 90 હજાર રૂપિયાનું શોપિંગ પણ કર્યું. આ પછી જે પૈસા બચ્યા હતા તે તેણે એટીએમમાંથી ઉપાડી લીધા હતા. એકંદરે, અબ્દેલે તમામ પૈસા ઉડાવી દીધા. જોકે હવે તે પકડાઈ ગયો છે અને તેની સજા ડિસેમ્બરમાં જાહેર કરવામાં આવશે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.