સાઉથ સુપરસ્ટાર મહેશ બાબુ પર તૂટી પડ્યો દુઃખનો પહાડ, માતાના નિધનના બે મહિના બાદ પિતાએ પણ લીધા અંતિમશ્વાસ

મનોરંજન(Entertainment): સાઉથના સુપરસ્ટાર મહેશ બાબુ(Mahesh Babu) પર દુ:ખનો પહાડ તૂટી પડ્યો છે. અગાઉ તેણે આ વર્ષે તેનો ભાઈ રમેશ બાબુ(Ramesh Babu) ગુમાવ્યો હતો. તે જ સમયે, બે મહિના પહેલા તેની માતા ઇન્દિરા દેવી(Indira Devi)નું અવસાન થયું અને હવે તેના પિતા કૃષ્ણા ઘાટ્ટાંમાણેની(Krishna Ghattamaneni)એ પણ દુનિયાને અલવિદા કહી દીધું છે. બહાર આવી રહેલા સમાચાર મુજબ, પીઢ અભિનેતા કૃષ્ણા ઘાટ્ટાંમાણેનીએ મંગળવારે સવારે 4 વાગ્યે હૈદરાબાદની એક ખાનગી હોસ્પિટલમાં અંતિમ શ્વાસ લીધા. જણાવી દઈએ કે કૃષ્ણા ઘાટ્ટાંમાણેનીને સોમવારે હાર્ટ એટેક(Heart attack)ના કારણે હોસ્પિટલમાં દાખલ કરવામાં આવ્યા હતા. તેલંગાણાના મુખ્યમંત્રી કે ચંદ્રશેખર રાવે તેમના નિધન પર શોક વ્યક્ત કર્યો છે. કૃષ્ણા ઘાટ્ટાંમાણેની તેલુગુ ફિલ્મ ઈન્ડસ્ટ્રીમાં પણ જાણીતા અભિનેતા હતા. તેણે ઘણી હિટ ફિલ્મોમાં કામ કર્યું હતું.

હાર્ટ એટેકને કારણે હોસ્પિટલમાં દાખલ કરવામાં આવ્યા હતા:
અહેવાલો અનુસાર, મહેશ બાબુના પિતા કૃષ્ણાને સોમવારે હાર્ટ એટેક આવ્યો હતો, ત્યારબાદ તેમને હૈદરાબાદની એક ખાનગી હોસ્પિટલમાં દાખલ કરવામાં આવ્યા હતા. ડોકટરો તેની સારવાર કરી રહ્યા હતા પરંતુ તેઓ તેને બચાવી શક્યા ન હતા. તેલંગાણાના મુખ્યમંત્રી કે ચંદ્રશેખર રાવે કૃષ્ણા ઘટ્ટમાનેનીના નિધન પર શોક વ્યક્ત કર્યો છે. તેમણે ફિલ્મ ઈન્ડસ્ટ્રીમાં કૃષ્ણ ઘાટ્ટાંમાણેનીના યોગદાનને યાદ કર્યું. તે જ સમયે, આંધ્ર પ્રદેશના સીએમ વાયએસ જગન મોહન રેડ્ડીએ પણ લોકપ્રિય અભિનેતા કૃષ્ણા ઘાટ્ટાંમાણેનીના નિધન પર શોક વ્યક્ત કર્યો છે. સાઉથ ફિલ્મ ઈન્ડસ્ટ્રી સાથે જોડાયેલા ફેન્સ અને સેલેબ્સ સોશિયલ મીડિયા પર શ્રદ્ધાંજલિ આપી રહ્યા છે.