દર્દીઓથી ભરેલી હોસ્પિટલમાં આગ લગતા ડોક્ટર સહીત 6 જીવતા હોમાયા- જીવ બચાવવા ડોક્ટર બાથટબમાં બેઠા રહ્યા પણ…

ઝારખંડના ધનબાદ શહેરમાં આવેલી એક પ્રાઇવેટ હોસ્પિટલમાં શુક્રવારે રાતના 1 વાગ્યે આગ લાગી હતી. આ ઘટના માં 6 લોકો જીવતા ભડથું થયા છે. ઘટના સમયે દરેક લોકો સૂઈ રહ્યા હતા. માહિતી મળી છે કે ત્યાં રેહેલા ડોક્ટરનો મૃતદેહ બાથટબમાંથી મળ્યો છે. સાથે જ એવું જાણવા મળ્યું છે કે પોતાનો જીવ બચાવવા માટે તેઓ બાથટબમાં બેસી ગયા અને ત્યાં જ તેમણે જીવ ગુમાવ્યો.

આગ લાગવાનું કારણ હજુ બહાર આવ્યું નથી. આગળની તપાસ પછી પોલીસે જણાવ્યું કે આગ સ્ટોરરૂમમાંથી શરૂ થઈ હતી, અને જ્યારે આગ લાગી તે સમયનો વીડિયો પણ સામે આવ્યો છે. ડોક્ટરે બારીમાંથી પોતાનો જીવ બચાવવા માટે બૂમો પાડી રહ્યા હતા. નીચે ઊભેલા ફાયર અધિકારી બોલતા રહ્યા કે, ‘ડોકતર સાહેબ તમે ચિંતા ન કરશો…. અમે આવી ગયા છીએ…’