મોજશોખ પુરા કરવા ચડ્યા ચોરીના રવાડે! દિન દહાડે હથિયારધારી લબરમૂછિયાઓએ બેંકમાં કરી લાખોની ચોરી- જુઓ CCTV ફૂટેજ 

Loot In bank Of Baroda Branch Sheohar: બિહારના શિવહર જિલ્લામાં દિન દહાડે હથિયારોના આધારે બેંકમાં લૂંટની ઘટનાને અંજામ આપવાના સમાચાર પ્રકાશમાં આવ્યા છે. હથિયારધારી બદમાશોએ બેંકમાંથી રૂ. 27.5 લાખની રોકડ લૂંટીને ફરાર થઇ ગયા હતા. તેઓએ બેંક ગાર્ડને ગોળી મારી ઇજા પહોંચાડી અને તેની રાઇફલ પણ તોડી નાખી હતી. ઘાયલ ગાર્ડ હોસ્પિટલમાં સારવાર હેઠળ છે. તે જ સમયે, વરિષ્ઠ પોલીસ અધિકારીઓ બેંક પહોંચ્યા અને ઘટના વિશે પૂછપરછ હાથ ધરી છે. પોલીસ આરોપીઓને શોધવા માટે વિસ્તારમાં લાગેલા સીસીટીવી કેમેરાની તપાસ કરી રહી છે.

મળતી માહિતી અનુસાર આ ઘટના તારીખ 22 જુન ને ગુરુવારના રોજ એટલેકે ગઈકાલે સવારે 10.18 વાગ્યે બની હતી. પીપરાહી પોલીસ સ્ટેશન વિસ્તારમાં આવેલી બેંક ઓફ બરોડાની શાખામાં લૂંટની મોટી ઘટના બની હતી. અંબા કલાનની આ શાખામાં હથિયારો સાથે આવેલા અડધા ડઝન બદમાશોએ પહેલા બેંકની બહારના ગાર્ડને ગોળી મારીને ઘાયલ કરી અને તેની રાઈફલ તોડી નાખી હતી. બેંકમાં ઘૂસેલા બદમાશોએ બંદૂકની અણીએ તમામ સ્ટાફ પાસેથી લોકરની ચાવી માંગી હતી. ગોળી વાગવાના ડરને કારણે બેંક સ્ટાફે સ્ટ્રોંગ રૂમની ચાવી બદમાશોને આપી દીધી હતી.

बिहार में दिन दहाड़े बैंक लूट,झोला छोड़िए… पैंट में डालकर ले गए रुपये..

बिहार में गन प्वाइंट पर बैंक लूट हो गई।

करीब 27.50 लाख रुपये लूटने की खबर है।
रुपयों के मिलान के बाद पुष्टि होगी।

शिवहर में बैंक ऑफ इंडिया में पांच अपराधी आए और पैसे लेकर चलते बने।@navalkant @amit4471 pic.twitter.com/qIc4ZX8sSc

— शैलेश गुप्ता (@SG6377) June 22, 2023

27.5 લાખની લૂંટ કરી
બેંકની અંદર લાગેલા સીસીટીવી કેમેરાના ફૂટેજમાં તે સ્પષ્ટપણે જોઈ શકાય છે. લોકર રૂમમાં એક બદમાશ બેગ લઈને ઊભો છે. રૂમની બહાર અન્ય બદમાશો છે અને તેમના હાથમાં બંદૂક છે. બેંકર લોકરની ચાવી લઈને આવે છે. બદમાશ તેને લોકર ખોલવાનું કહે છે અને તેની તરફ બંદૂક તાકી દે છે.