November 25, 2024
મધ્યપ્રદેશ(Madhya Pradesh): લગ્ન પ્રસંગમાં ખુશીનો માહોલ જોવા મળતો હોય છે. પરંતુ હાલમાં લગ્ન પ્રસંગ દરમ્યાન એક દુઃખદ સમાચાર સામે આવી રહ્યા છે. વરરાજાની માતા, કાકી, ભાભી અને બે બહેનોના મોત થતા સમગ્ર પરિવારમાં માતમ છવાઈ ગયો હતો. વરરાજો કન્યા લાવવાની ખુશીના બદલે પરિવારમાં એકસાથે 5 લોકોના મોત થતા લોહીના આંસુએ રડી પડ્યો હતો.
મધ્યપ્રદેશ(Madhya Pradesh)ના ભીંડ જિલ્લા(Bhind District)માં લગ્નના ઘરમાં ધાર્મિક વિધિઓ વચ્ચે સિલિન્ડર વિસ્ફોટ થવાથી એક સાથે પાંચ મહિલાઓના મોતથી સમગ્ર ગામમાં શોકની લાગણી ફેલાઈ ગઈ છે. લગ્નની ખુશી વચ્ચે સિલિન્ડરમાં બ્લાસ્ટ થતાં પરિવારજનોની ખુશી જીંદગીભર માટે છીનવાઈ ગઈ હતી. ઘટનામાં ઘાયલ વરરાજાની માતા, બે બહેનો, કાકી અને ભાભીનું સારવાર દરમિયાન મોત નીપજ્યું હતું.
આ દુઃખદ ઘટના ભીંડમાં બની હતી
ભીંડ જિલ્લાના કચનવ કાલા ગામમાં આ દુ:ખદ ઘટના બની હતી. હકીકતમાં, ભીંડ જિલ્લાના ગોરમી વિસ્તારના કાચનવ કાલા ગામનો રહેવાસી રિંકુ યાદવના લગ્નનો વરઘોડો નીકળવાનો હતો. તેની તૈયારીઓ અને લગ્નની વિધિઓ કરવામાં આવી રહી હતી. રિંકુના ઘરે પરિવાર ઉપરાંત સંબંધીઓ અને ગામના લોકો હાજર હતા. લોકો માટે ભોજન તૈયાર કરવામાં આવી રહ્યું હતું.
Trending News
આ દરમિયાન એક નાનકડા ગેસ સિલિન્ડરનો ઉપયોગ રસોઈ માટે કરવામાં આવી રહ્યો હતો, ત્યારે અચાનક સિલિન્ડર ફાટ્યો. આ ઘટનામાં રિંકુ યાદવની માતા જલદેવી, ભાભી નીરુ, કાકી પિંકી, બે પરિણીત બહેનો અનિતા અને સુનીતા સહિત 12 લોકો ગંભીર રીતે ઘાયલ થયા હતા.
બનાવને પગલે સમગ્ર ગામમાં ચકચાર મચી ગઈ હતી. ઘાયલોને તેને નજીકની હોસ્પિટલમાં લઈ જવામાં આવ્યા હતા, તેની ગંભીર સ્થિતિને કારણે 8 લોકોને ગ્વાલિયર રીફર કરવામાં આવ્યા હતા. પરંતુ રિંકુ યાદવની માતા, ભાભી, કાકી અને બંને બહેનોની ગંભીર સ્થિતિને કારણે તેમને દિલ્હી એઈમ્સમાં રીફર કરવામાં આવ્યા હતા. જ્યાં પાંચેય મહિલાઓની એઈમ્સમાં સારવાર ચાલી રહી હતી. તે દરમ્યાન મોત થયું છે.
પાંચેય મૃત્યુ પામ્યા
પાંચેય મહિલાઓનું સારવાર દરમિયાન મોત નિપજ્યું હતું. પરિવાર સુધી આ સમાચાર પહોંચતા જ તેમના પગ નીચેથી જમીન સરકી ગઈ. તમામના મૃતદેહ બુધવારે ગામમાં લાવવામાં આવ્યા હતા. રિંકુના ઘરની બહાર પાંચ બિયર જોઈને બધાના આત્મા કંપી ઉઠ્યા. પરિવાર, સ્વજનો સહિત જેણે પણ આ હ્રદયદ્રાવક દ્રશ્ય જોયું તેના આંસુ રોકી શક્યા ન હતા. આ પછી મૃતદેહોના અંતિમ સંસ્કાર કરવામાં આવ્યા હતા.
રાજસ્થાનમાં 35ના મોત
ઉલ્લેખનીય છે કે રાજસ્થાનમાં પણ આવો જ એક કિસ્સો સામે આવ્યો હતો. અહીં જોધપુર જિલ્લાના શેરગઢ વિભાગના ભૂંગરા ગામમાં 8 ડિસેમ્બરે સિલિન્ડર વિસ્ફોટના કારણે આગ લાગી હતી. લગ્નની તૈયારીઓ વચ્ચે ઘરમાં ચા બનાવતી વખતે સિલિન્ડર ફાટ્યો. આ અકસ્માતમાં 50 જેટલા લોકો ઘાયલ થયા છે.
ઘાયલોને સારવાર માટે હોસ્પિટલમાં દાખલ કરવામાં આવ્યા હતા, ઘટનામાં ઘાયલ 35 લોકોના મોત થયા હતા. આ ઘટનામાં વરરાજાના ઘણા સંબંધીઓના પણ મોત થયા હતા. બાદમાં રાજસ્થાન સરકારે મૃતકોના આશ્રિતોને રૂ. 17 લાખ, ઇજાગ્રસ્તોને 5 લાખ રૂપિયા અને ગેસ સિલિન્ડર દુર્ઘટનામાં મૃતકના આશ્રિત સભ્યને કોન્ટ્રાક્ટમાં નોકરી આપવાની માગણીઓ સ્વીકારી હતી.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.