છ પગ ત્રણ શીંગડા વાળી ગાય માતાનાં દર્શન કરવા ગામોગામ ઉમટે છે ભીડ- ફોટો પર ટચ કરી તમે પણ કરો દર્શન

આ દિવસોમાં મધ્યપ્રદેશના સાગર જિલ્લામાં એક ગાય ચર્ચાનો વિષય બની ગઈ છે. આ દુર્લભ ગાયને છ પગ અને ત્રણ શિંગડા (Cow with six legs and three horn Madhya Pradesh) છે.  જે જગ્યાએ ગાય કે અન્ય પશુઓની પૂંછડી હોય છે ત્યાં આ ગાયના શરીરના અમુક ભાગ સાથે બે પગ બહાર આવ્યા છે. ગાયની આ આખી જગ્યાને હળદર, કુમકુમ, ચંદનથી ચાંદલો કરવામાં આવ્યો હતો છે. જે પણ આ છ પગવાળી ગાય વિશે સાંભળે છે તે તેને ચમત્કાર માની લે છે.

મહારાષ્ટ્રના નાસિક જિલ્લાનો એક પરિવાર આ ગાયને લઈને ફરે છે. આ માટે તેમણે રથ જેવું વાહન તૈયાર કર્યું છે, તેને સિંદૂર રંગથી રંગવામાં આવ્યું છે. આ ખાસ વાહનમાં ગાયને ઉભા રહેવા અને બેસવા માટેની વ્યવસ્થા કરવામાં આવી છે. આ પરિવાર જ્યારે ગાયને આ રથમાં બેસાડીને ગામની શેરીઓમાંથી પસાર થાય છે, ત્યારે દરેક ઘરમાંથી લોકો અનોખી ગાયને જોવા માટે ઉમટી પડે છે.

રથની ઉપર એક માઈક સિસ્ટમ લગાવવામાં આવી છે, જેમાં પરિવારજનો બોલીને ગાયની વિશેષતાઓ વિશે જણાવે છે, છ પગ અને ત્રણ શિંગડાવાળી ગાયને જોઈને લોકો ખૂબ જ દાન કરી રહ્યા છે. ગ્રામજનો તેમની શ્રદ્ધા અને ક્ષમતા અનુસાર રોકડ, લોટ, ઘાસચારો, ઘઉં, ફળો અને ફૂલોનું દાન કરી રહ્યા છે.