November 18, 2024
ICMR Recruitment 2023: સરકારી નોકરીની તૈયારી કરતા અથવા ભરતી માટે રાહ જોઇ રહેલા ઉમેદવારો માટે એક સોનેરી તક સામે આવી છે. આ તક એટલા માટે પણ મહત્વની છે, કારણ કે જો તમને નોકરી મળશે તો તમને તેમાં લાખોમાં પગાર મળશે. આ ભરતી સ્વાસ્થ્ય અને પરિવાર કલ્યાણ મંત્રાલય હેઠળ ઈન્ડિયન કાઉન્સિલ ઓફ મેડિકલ રિસર્ચ(ICMR Recruitment 2023) દ્વારા કરવામાં આવી રહી છે. આ અંગે એક ભરતી ઓફિસિયલ જાહેરાત પણ બહાર પાડવામાં આવી છે.
આ તારીખ પહેલા કરો અરજી
નોટિફિકેશન મુજબ, આ ભરતીઓ સંસ્થામાં વિવિધ ખાલી પડેલી જગ્યાઓ ભરવા માટે કરવામાં આવી રહી છે. રસ ધરાવતા અને પાત્ર ઉમેદવારો ICMR ની ઓફિસિયલ વેબસાઇટ nimr.org.in મુલાકાત લઈને વિગતો ચકાસી શકે છે. ભરતી માટે અરજી ફોર્મ રજૂ કરવાની છેલ્લી તારીખ 21 જુલાઇ નક્કી કરવામાં આવી છે. આપને જણાવી દઇએ કે આ ભરતી અંતર્ગત કુલ 79 જેટલી પોસ્ટ ભરવામાં આવશે.
આ પોસ્ટ પર કરવામાં આવશે ભરતી
ICMRમાં ટેકનિકલ આસિસ્ટન્ટ, ટેક્નિશિયન અને લેબોરેટરી એટેન્ડન્ટની જગ્યાઓ ખાલી પડી છે. જેમાં જનરલ કેટેગરીના ઉમેદવારો માટે 37, SC માટે 9, ST માટે 4, EWS માટે 8 અને OBC માટે 21 જગ્યાઓનો સમાવેશ થાય છે.
Trending News
કેટલી છે વયમર્યાદા
અરજી કરવાની વયમર્યાદા 25થી 30 વર્ષની વચ્ચે હોવી જોઈએ. ઉમેદવારો ઓફિસિયલ જાહેરાત દ્વારા તેમની પાત્રતા ચકાસી શકે છે.
પસંદગી પ્રક્રિયા
ઉમેદવારોની પસંદગી લેખિત પરીક્ષા અને ઇન્ટરવ્યુના દ્વારા કરવામાં આવશે.
મળશે લાખોમાં સેલેરી
પસંદગી પામેલા ઉમેદવારોનો લઘુતમ પગાર 1,12,400 રૂપિયા રહેશે. જેમાં ટેકનિકલ આસિસ્ટન્ટના પદ માટે પસંદગી પામેલા ઉમેદવારોને 35,400 રૂપિયાથી લઈને 1,12,400 રૂપિયા, ટેક્નિશિયનની પોસ્ટ માટે 19,900 રૂપિયાથી લઈને 63,200 રૂપિયા સુધીનો પગાર આપવામાં આવશે. જ્યારે લેબોરેટરી એટેન્ડન્ટના પદ માટે પસંદ કરાયેલા ઉમેદવારોને 18,000 રૂપિયાથી લઈને 56,900 રૂપિયા સુધીનો પગાર આપવામાં આવશે.
કઇ રીતે કરી શકો છો અરજી
ઉમેદવારોએ પોતાનું અરજી ફોર્મ “ડિરેક્ટર, નેશનલ ઇન્સ્ટિટ્યૂટ ઓફ મેલેરિયા રિસર્ચ, સેક્ટર-8, દ્વારકા, નવી દિલ્હી -1100777” પર મોકલવાનું રહેશે. ઉમેદવારોને ખાસ સૂચના આપવામાં આવે છે કે 21 જુલાઇ પછી પ્રાપ્ત થયેલી કોઈપણ અરજી પર વિચારણા કે સ્વીકૃતી કરવામાં આવશે નહીં. આ અંગે વધારે જાણકારી માટે ઓફિશ્યલ નોટીફિકેશન ચકાસી શકો છો.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube