September 19, 2024
Rain Forecast in Gujarat: ગુજરાતમાં આગામી સાત દિવસ હવામાન વિભાગ દ્વારા ભારેથી અતિભારે વરસાદની આગાહી કરવામાં આવી છે. જેમાં છઠ્ઠ, શીતળા સાતમ અને જન્માષ્ટમીના દિવસે એટલે કે, શનિવાર, રવિવાર અને સોમવારના દિવસે કેટલાક વિસ્તારોમાં ઓરેન્જ એલર્ટ આપવામાં આવી છે. બે સાઇક્લોનિક સિસ્ટમ બની છે જેના કારણે રાજ્યમાં ભારેથી અતિભારે વરસાદ(Rain Forecast in Gujarat) વરસી રહ્યો છે. હવામાન વિભાગના જણાવ્યા પ્રમાણે, ગુજરાતના તમામ જિલ્લાઓમાં આગામી પાંચ દિવસ ગાજવીજની આગાહી છે. આ સાથે આગામી ત્રણ દિવસ માછીમારોને ચેતવણી આપવામાં આવી છે.
અહીંયા ભારે વરસાદની આગાહી
હવામાન વિભાગએ પોતાની આગાહીમાં જણાવ્યુ છે કે, રાજ્યમાં સાત દિવસ વરસાદનું પુર્વાનુમાન છે. આજે શુક્રવારે દક્ષિણ ગુજરાતના તમામ જિલ્લાઓમાં ભારે વરસાદની આગાહી છે. આ સાથે બનાસકાંઠા, સાબરકાંઠા, પંચમહાલ, અરવલ્લી, દાહોદ અને મહીસાગરમમાં પણ ભારે વરસાદની આગાહી આપવામા આવી છે.
ગુજરાતના તમામ જિલ્લામાં અતિભારે વરસાદની આગાહી
હવામાન વિભાગના જણાવ્યા પ્રમાણે, શનિવારે વડોદરા અને છોટાઉદેપુરમાં અતિભારે વરસાદ સાથે ઓરેન્જ એલર્ટ જાહેર કરવામાં આવ્યું છે. જ્યારે આ ઉપરાંતનાં ગુજરાતના તમામ જિલ્લામાં ભારેથી અતિભારે વરસાદની આગાહી આપવામાં આવી છે. સૌરાષ્ટ્રની વાત કરીએ તો, સુરેન્દ્રનગર, અમરેલી, ભાવનગર, ગીરસોમનાથ, બોટાદ અને દીવમાં ભારે વરસાદની આગાહી છે.
Trending News
સાતમ આઠમમાં વોર્નિંગ અને યલો એલર્ટ
રવિવાર માટે એટલે શીતળા સાતમ માટેની આગાહી કરતા જણાવ્યુ છે કે, પંચમહાલ અને છોટાઉદેપુર માટે અત્યંત ભારે વરસાદની સાથે ઓરેન્જ એલર્ટ આપવામાં આવી છે. આ ઉપરાંતના જિલ્લાઓમાં ભારેથી અતિભારે વરસાદની આગાહી આપવામાં આવી છે. સૌરાષ્ટ્રની વાત કરીએ તો, સુરેન્દ્રનગર, રાજકોટ, અમરેલી, ભાવનગર, ગીરસોમનાથ, બોટાદ અને દીવમાં ભારે વરસાદની વોર્નિંગ અને યલો એલર્ટ આપવામાં આવી છે.હવામાન વિભાગે સોમવાર એટલે કે જન્માષ્ટમી માટેની આગાહી જણાવતા કહ્યુ છે કે, ભાવનગર, નર્મદા અને ભરૂચ માટે અત્યંત ભારે વરસાદની આગાહી સાથે ઓરેન્જ એલર્ટ છે. આ ઉપરાંતના જિલ્લાઓમાં ભારેથી અતિભારે વરસાદની આગાહી આપવામાં આવી છે.
આગામી દિવસ ભારે વરસાદની આગાહી
મોસમ વૈજ્ઞાનિકે મંગળવાર માટેની આગાહીમાં સુરેન્દ્રનગર, બોટાદ પાટણ, અમદાવાદ, ગાંધીનગર,આણંદમાં અતિભારે વરસાદની આગાહી આપી છે. આ ઉપરાંત વડોદરા, ભરૂચ, મહેસાણામાં તથા આ ઉપરાંતના જિલ્લાઓમાં ભારેથી અતિભારે વરસાદની આગાહી છે.હવામાન વિભાગે બુધવારે એટલે સાતમા દિવસે મહેસાણા, આણંદ અને અમદાવાદમાં ભારે વરસાદની આગાહી છે. ગુજરાત,કચ્છ અને સૌરાષ્ટ્રના તમામ જિલ્લાઓમાં ભારે વરસાદ પડવાની આગાહી કરી છે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App