October 06, 2024
WhatsApp Features: WhatsApp હાલમાં સૌથી વધુ ઉપયોગમાં લેવાતી ઇન્સ્ટન્ટ મેસેજિંગ એપ છે. તે વિશ્વભરના 3 અબજથી વધુ લોકોમાં અગ્રણી ચેટિંગ એપ્લિકેશન છે. વોટ્સએપ તેના ગ્રાહકોને માત્ર ચેટિંગ જ નહીં પરંતુ કંપની વોઈસ કોલિંગ, વીડિયો કોલિંગ તેમજ પેમેન્ટનો (WhatsApp Features) વિકલ્પ પણ આપે છે. કંપની યુઝર્સની સુવિધા માટે નવા ફીચર્સ લાવતી રહે છે. હવે WhatsApp તેના વેબ યુઝર્સ માટે એક નવું ફીચર લાવવા જઈ રહ્યું છે.
વોટ્સએપે તાજેતરના ભૂતકાળમાં ઘણા નવા ફીચર્સ રજૂ કર્યા છે જ્યારે ઘણા નવા ફીચર્સ પર કામ પણ ચાલી રહ્યું છે. હવે કંપની તેના વેબ યુઝર્સ માટે વેબ પર નવી સર્ચ લિંક્સ પર કામ કરી રહી છે. આ આવનાર ફીચરની મદદથી વોટ્સએપ યુઝર્સ તેમના વેબ પર કોઈપણ લિંકને સરળતાથી સર્ચ કરી શકશે.
વોટ્સએપ પર આવનારા આ નવા ફીચરની જાણકારી ગૂગલ પ્લે સ્ટોર પર ઉપલબ્ધ એન્ડ્રોઇડ 2.24.20.28 અપડેટ માટેના લેટેસ્ટ વોટ્સએપ બીટા પરથી મળી છે. અપડેટ અનુસાર, કંપની હાલમાં વેબ પર સર્ચ લિંક્સ પર કામ કરી રહી છે જે વિકાસના તબક્કામાં છે. આ ફીચર યુઝર્સના ઘણા કાર્યોને ખૂબ જ સરળ બનાવશે.
Trending News
WABetainfo એ માહિતી શેર કરી છે
લોકપ્રિય વેબસાઈટ WABetainfo દ્વારા વોટ્સએપના વેબ ફીચર પર સર્ચ લિંક્સ વિશે માહિતી આપવામાં આવી છે. WABetainfo એ આગામી ફીચરનો સ્ક્રીનશોટ પણ શેર કર્યો છે. આ ફીચર આવ્યા પછી, જો તમે કોઈપણ લિંક શોધવા માંગતા હો, તો હવે તમે આ કામ માત્ર થોડી જ સેકન્ડમાં કરી શકશો. આ સુવિધાનો ઉપયોગ કરવા માટે, નીચે એક બટન હશે. જ્યારે તમે કોઈ લિંક શોધો છો, ત્યારે લિંક ધરાવતા સંદેશાઓ તમને સરળતાથી બતાવવામાં આવશે.
તમને જણાવી દઈએ કે WhatsApp હાલમાં અન્ય એક નવા ફીચર પર કામ કરી રહ્યું છે. હવે વોટ્સએપ યુઝર્સને જલ્દી જ ઈન્સ્ટાગ્રામનું ફીચર મળવા જઈ રહ્યું છે. જો યુઝર્સ વોટ્સએપનો ઉપયોગ કરતી વખતે કેમેરાનો ઉપયોગ કરે છે, તો તેમને ઘણી અલગ કેમેરા ઈફેક્ટ્સ મળશે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App