મહેસાણામાં માટીની ભેખડ ધસતા 7થી વધુ મજૂરો દટાયા: 3ના મોત Trishul News

Mehsana News: મહેસાણાના કડી તાલુકાના જાસલપુર ગામની સીમમાં આવેલ એક કંપનીમાં ભેખડ ધસી પાડવાની ઘટના સામે આવી છે. ત્યારે આ ભેખડ પડવાના કારણે તેના નીચે 7 મજૂરો દટાયા છે જેમાં 3 લોકોના મોત થયા છે જયારે મોતનો એકડો હજુ વધે તેવી શક્યતા (Mehsana News) રહેલી છે. ત્યારે આ ઘટનાના પગલે આ અંગે પોલીસને જાણ થતા પોલીસનો કાફલો ઘટનાસ્થળ પર પહોંચ્યો હતો અને આ અકસ્માત અંગે તપાસ હાથ ધરી છે.

3 મજૂરોના મોત
જાસલપુર ગામની સીમમાં સ્ટીલ ઇનોક્સ સ્ટેઇનલેસ પ્રા.લી.માં કામ કરતી વખતે માટીની ભેખડ પડતા 7થી વધુ મજૂરો દટાઈ જવાની ઘટના સામે આવતા ફફડાટ મચી જવા પામ્યો હતો. જેમાં 3 મજૂરોના મોત નિપજ્યા છે. જ્યારે 4થી વધુ મજૂરો હજુ દટાયેલા છે. જેમને હાલ JCBની મદદથી બહાર કાઢવવામાં આવ્યા છે. ત્યારે આ ઘટનાની જાણ પોલીસ તથા પ્રશાશનને થતા ઘટના સ્થળે પાંચ જેટલી એમ્બ્યુલન્સ તથા પોલીસનો કાફલો આવી પહોંચ્યો હતો.

સેફટી અંગે ઉઠ્યા સવાલ
આ ઘટનાના પગલે આસપાસના વિસ્તારોમાં ભારે અફરાતફરી સર્જાઈ છે. તેમજ આ 3 મજૂરોની લાશને પોલીસે પીએમ અર્થે ખસેડીને તેના પરિવારનો સંપર્ક સાધ્યો છે. ત્યારે આ ઘટનાના પગલે કંપનીમાં સેફટી અંગેના અનેક સવાલ ઉઠી રહ્યા છે.