October 16, 2024
Navasari Accident: નવસારી જિલ્લાના વાંદરવેલા ગામ નજીક એક કંપાવી નાખતા અકસ્માતની ઘટા સામે આવી છે અહીંયા ગત મોડી રાત્રે ગંભીર અકસ્માત થયો હતો. જેમાં વાંસદા તરફ જતા કારચાલકે વાહન ઉપરથી કાબુ ગુમાવતા કાર ઝાડ સાથે અથડાઈ હતી. જેથી ચાલકનું મોત (Navasari Accident) થયું હતું.જેના પગલે થોડીવાર તો અફરાતફરી મચી ગઈ હતી તેમજ ઘટનાસ્થળ પર લોકોનું ટોળું એકત્ર થઇ ગયું હતું અને આ અંગે પોલીસને જાણ કરી હતી.
કારચાલકનું મોત
સરવાણી ગામનો રહેવાસી કાર ચાલક અમિત જીવણભાઈ પટેલે કાર પરથી કાબૂ ગુમાવતા કાર ધડાકાભેર અથડાઈ હતી. જે બાદ આ અકસ્માતમાં કારનું કચ્ચરઘાણ થઈ ગયું હતું.જે બાદ આસપાસથી લોકો દોડી આવ્યા હતા. તેમજ આ નાગે પોલીસને જાણ કરી હતી અને સ્થાનિકો દ્વારા ઘાયલ યુવાનને તાત્કાલિક સારવાર અર્થે સ્થાનિક હોસ્પિટલમાં ખસેડયો હતો. પરંતુ ફરજ પરના ડોક્ટરોએ મૃત ઘોષિત કર્યો હતો.
પોલીસે તપાસ હાથ ધરી
ઓવર સ્પીડિંગ તેમજ ટ્રાફિક અવરનેસ ન હોવાને કારણે જિલ્લામાં અકસ્માતની સંખ્યામાં વધારો થયો છે. જેમાં ખાસ કરીને યુવાનો ભોગ બની રહ્યા છે. નવસારી જિલ્લામાંથી પસાર થતા નેશનલ હાઈવે પર ઉપર પણ મોટી સંખ્યામાં અકસ્માતોની સંખ્યા વધી છે. ગત રાત્રીના ઘટના મામલે પોલીસે અકસ્માત મોતની નોંધ કરીને તપાસ શરૂ કરી છે.
Trending News
અગાઉ પણ વાંસદામાંથી અકસ્માતની ઘટના સામે આવી હતી
વાંસદા તાલુકાના અંકલાછથી કણધા જતા રોડ પર આવેલા બેડમાળ ગામના મૂળગામ ફળિયા પાસે અજાણ્યા બાઈક ચાલકે અડફેટે અન્ય બાઇકચાલક આધેડનું ગંભીર ઈજાને પગલે સારવાર દરમિયાન મોત નિપજ્યું હતું.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App