November 24, 2024
Amreli milk factory: ગુજરાતમાં અત્યારે નકલી નકલીનો રાફડો ફાટ્યો છે. છાસવારે નકલીના કૌભાંડો સામે આવી રહ્યાં છે. ઘી નકલી, પનીર નકલી, કચેરી નકલી, ટોલનાકું નકલી, કોર્ટ નકલી, નકલી અધિકારી, નકલી આઈપીએસ અધિકારી અને હવે પાછું નકલી દૂધ ઝડપાયું છે. અમરેલીના (Amreli milk factory) ખાંભાના મીતીયાલાના રહેણાંકી મકાન દૂધમાં ભેળસેળના કૌભાંડનો પર્દાફાશ કરવામાં આવ્યો છે. SOG પોલીસ અને ફૂડ એન્ડ ડ્રગ્સ વિભાગે સંયુક્ત કામગીરી કરીને ભેળસેળિયા દૂધનો પર્દાફાશ કર્યો છે.
ફૂડ વિભાગ દ્વારા ખાદ્ય પદાર્થોનું સઘન ચેકિંગ
અમરેલી SOG પોલીસએ બનાવટી દૂધને પ્લાસ્ટિક થેલીમાં પેક કરતા યુવકની અટકાયત કરીને કાર્યવાહી હાથ ધરી દીધી છે. ખાસ કરીને વાત કરવામાં આવે તો, આવી રીતે લોકોના સ્વાસ્થ્ય સાથે ચેડા કરતા લોકો સામે સખત કાર્યવાહી થવી અનિવાર્ય છે. કારણ કે, છાસવારે આવી ઘટનાઓ બહાર આવી રહીં છે. આ તો અત્યારે દિવાળીના પર્વને લઈને ફૂડ વિભાગ દ્વારા ખાદ્ય પદાર્થોનું સઘન ચેકિંગ કરવામાં આવી રહ્યું છે. આ તપાસ દરમિયાન અમરેલીના ખાંભામાં દૂધમાં ભેળસેળ થયું હોવાનું સામે આવ્યું જે મામલે એકની અટકાયત કરીને કાર્યવાહી હાથ ધરવામાં આવી છે.
2 લાખ 21 હજારના મુદ્દામાલ સાથે પોલીસે એકની અટકાયત કરી
નોંધનીય છે કે, એસિડ વે હોમથી નકલી દૂધ બનાવવાની ફેક્ટરીનો અમરેલી એસઓજી પોલીસ અને ફૂડ વિભાગે પર્દાફાશ કર્યો છે. રૂપિયા 2 લાખ 21 હજારના મુદ્દામાલ સાથે પોલીસે ગુણવંત શામજી કળસરિયાની અટકાયત કરી લીધી છે.
Trending News
જો કે, ફૂડ વિભાગે આ દૂધના નમૂનાને વધારે તપાસ અને પૃથક્કરણ માટે ગાંધીનગર મોકલ્યાં છે. જે લોકો માત્ર પૈસા છાપવા માટે લોકોના સ્વાસ્થ્ય સાથે ચેડા કરે છે તેમની સામે સખત કાર્યવાહી થવી જોઈએ. અત્યારે લોકોને ખાસ સાવધાની રાખવાની જરૂર છે કે, તેમે જે પણ વસ્તુ ખાઈ રહ્યાં છો તે વાસ્તવમાં અસલી છે કે નકલી તેની કોઈ જ ગેરંટી હોતી નથી.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App