November 24, 2024
WhatsApp Account Block: સાયબર ફ્રોડ અને ડિજિટલ ધરપકડની ઘટનાઓ રોજબરોજ પ્રકાશમાં આવી રહી છે. આ ઘટનાઓને કારણે લોકોના લાખો રૂપિયાની છેતરપિંડી થઈ રહી છે. આને નિયંત્રિત કરવા માટે વિવિધ પ્રકારની કાર્યવાહી કરવામાં આવી રહી છે. ગૃહ મંત્રાલયની I4C વિંગે સાયબર ફ્રોડને (WhatsApp Account Block) રોકવા માટે મોટી કાર્યવાહી કરી છે. ટીમે 17000 વોટ્સએપ એકાઉન્ટ બ્લોક કરી દીધા છે. જેમના પર નાણાકીય છેતરપિંડી કોલ અને ડિજિટલ અરેસ્ટ કોલમાં સામેલ હોવાનો આરોપ છે.
17000 વોટ્સએપ એકાઉન્ટ બ્લોક કર્યા
બંધ કરાયેલા મોટાભાગના નંબરો કંબોડિયા, મ્યાનમાર, લાઓસ અને થાઈલેન્ડથી સક્રિય હતા. લાંબા સમયથી, એજન્સીઓ કંબોડિયા, મ્યાનમાર અને લાઓસથી ચાલતા ડિજિટલ એરેસ્ટ અને સાયબર ફ્રોડ સંબંધિત કોલ સેન્ટરની તપાસ કરી રહી હતી. ગૃહવિભાગની I4C એક એવી સંસ્થા છે, જે સાયબર અને ડિજિટલ અપરાધના નિવારણ પર કામ કરે છે.
અહેવાલો સૂચવે છે કે વ્હોટ્સએપ એકાઉન્ટ્સ બંધ કરવામાં આવ્યા છે. તેમાંથી 50 ટકાથી વધુની શરૂઆત જાન્યુઆરી 2024માં જ થઈ હતી. જેનો ઉપયોગ અનેક છેતરપિંડીઓમાં થયો હતો. આમાં ઘણીવાર “ડિજિટલ એરેસ્ટ”નો સમાવેશ થાય છે, જ્યાં પીડિતોને એવું માનવામાં આવે છે કે તેઓ કાનૂની તપાસને આધિન છે. આ પ્રકારે છેતરપિંડી કરવા માટે ઘણા સિમ કાર્ડનો ઉપયોગ કરવામાં આવ્યો હતો. જેને શોધી કાઢવો ઘણા મુશ્કેલ હતો. આ પછી પણ ટેક્નોલોજીની મદદથી આજે તે નંબરોના એડ્રેસ સતત બ્લોક કરવામાં આવ્યા છે.
Trending News
AI ટેક્નોલોજીનો કરાયો ઉપયોગ
સરકારે આવા WhatsApp એકાઉન્ટ્સને ઓળખવા અને શોધી કાઢવા માટે AI ટેક્નોલોજીનો ઉપયોગ કર્યો છે. દેશના વિવિધ રાજ્યોના પોલીસ દળોએ પણ આ ઓપરેશનમાં કેન્દ્રીય એજન્સીઓને મદદ કરી છે. આ પહેલીવાર નથી જ્યારે ભારતીય સત્તાવાળાઓએ સાયબર છેતરપિંડી કરનારાઓ સામે કાર્યવાહી કરી હોય. અગાઉ, છેતરપિંડી કરનારાઓને રોકવા માટે સમાન પ્રયાસમાં સ્કાયપે એકાઉન્ટ્સ બ્લોક કરવામાં આવ્યા હતા. આ વોટ્સએપ એકાઉન્ટ્સને બ્લોક કરવાથી સાયબર ફ્રોડ નેટવર્કને વધુ એક મોટો ફટકો પડ્યો છે.
મન કી બાતમાં પીએમ મોદીએ ડિજિટલ એરેસ્ટનો કર્યો હતો ઉલ્લેખ
પીએમ મોદીએ મન કી બાત કાર્યક્રમમાં ડિજિટલ એરેસ્ટની છેતરપિંડીનો ઉલ્લેખ કર્યો હતો. પીએમએ કહ્યું હતું કે જો તમને ક્યારેય આવો ફોન આવે તો તમારે ડરવું જોઈએ નહીં અને યાદ રાખો કે કોઈ પણ તપાસ એજન્સી ફોન પર પૂછપરછ કરતી નથી. PM એ કહ્યું કે થોભો, વિચારો, પગલાં લો, તમે શાંત રહો, ગભરાશો નહીં અને પછી પગલાં લો. પીએમએ એમ પણ કહ્યું કે જો આવું કંઈ થાય તો નેશનલ સાયબર હેલ્પલાઈન 1930 ડાયલ કરો. સાયબર ક્રાઈમ વેબસાઈટ પર પણ જાણ કરો. પરિવાર અને પોલીસને જાણ કરો.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App