November 28, 2024
Under Pillow Mobile: મોબાઇલ ફોનને જો તમે માથાની પાસે રાખી ઊંઘી જાવ છો તો આ સમાચાર તમારી ઊંઘ ઉડાવી દેશે. ભલે તમે એલાર્મને કારણે માથાની પાસે ફોન રાખતા હોવ કે સૂતા-સૂતા મોબાઈલને પાસે રાખી દો છો. મોબાઈલને માથાની પાસે સૂવાથી સ્વાસ્થ્ય માટે હાનિકારક (Under Pillow Mobile) સાબિત થઈ શકે છે. તેનાથી તમારા સ્વાસ્થ્યને ભારે નુકસાન થઈ શકે છે. મોબાઈલ ફોનમાંથી નિકળનાર બ્લૂ-લાઇટ અને ખતરનાક રેડિએશન સાયલન્ટ કિલરની જેમ કામ કરે છે. કોઈપણ બીમારીનો સંકેત મળતા પહેલા ખતરનાક સ્થિતિમાં પહોંચી શકો છો.
બ્લૂ લાઇટ મેલાટોનિન હોર્મોનને પ્રભાવિત કરે છે
મોબાઇલમાંથી નિકળનાર બ્લૂ લાઇટ મેલાટોનિન હોર્મોનને પ્રભાવિત કરે છે. તે નીંદરને નિયંત્રિત કરે છે. તેનાથી ઊંઘ ન આવવી, ઊંઘમાં વારેવારે ખલેલ અને નીંદરની ગુણવત્તામાં ઘટાડો જોવા મળે છે. તો એક્સપર્ટનું પણ તે કહેવું છે કે તેના રેડિએશન પુરૂષોની પ્રજનન ક્ષમતા પર ખરાબ અસર કરે છે.
માથા પાસે મોબાઈલ ફોન રાખવાથી કેન્સરનો ખતરો
મોબાઈલ ફોનને કારણે સ્વાસ્થ્ય સાથે જોડાયેલી સમસ્યાઓ થઈ શકે છે. તેનાથી માથામાં દુખાવો, સ્નાયુઓમાં દુખાવા જેવી સમસ્યાઓ થઈ શકે છે. વર્લ્ડ હેલ્થ ઓર્ગેનાઇઝેશન પ્રમાણે ફોનમાંથી નિકળનાર રેડિએશનથી મગજ પર ગંભીર અસર પડે છે. તેના કારણે કેન્સરનો ખતરો પણ વધી જાય છે.
Trending News
ઘણા એવા લોકો છે જેને માથામાં દુખાવો, ચિડિયાપણું અને આંખમાં દુખાવો મોબાઈલના વધુ ઉપયોગને કારણે થાય છે. મોબાઇલની સ્ક્રીન પર બેક્ટેરિયા જલ્દી ઉદ્ભવે છે. જ્યારે તમે મોબાઈલને નજીક લઈને સૂવો છો તે તે બેક્ટેરિયા તમારી ત્વચા પર પહોંચી ફોલ્લીઓ, ખીલ જેવી સમસ્યાઓ પેદા કરી શકે છે. ઘણી સ્ટડી પ્રમાણે મોબાઈલ રેડિએશન હાર્ટની બીમારીને પણ આમંત્રત આપે છે. આ કારણે તમારે આ આદત જલ્દી છોડી દેવી જોઈએ.
મોબાઈલ કેટલો દૂર રાખી સૂવુ જોઈએ?
મોબાઈલમાંથી રેડિએશન નિકળે છે. તેવામાં પ્રયાસ કરો કે સૂવા સમયે તેને દૂર રાખો. મોબાઈલથી નિકળનાર રેડિએશન ઇરેક્ટાઇલ ડિસફંક્શનથી જોડાયેલા છે. મોબાઈલ ફોનમાંથી બ્લૂ લાઇટ નિકળે છે. રાત્રે સૂવા સમયે મોબાઈલને દૂર રાખવો જોઈએ.
જાણો મોબાઇલ ફોન કેટલો દૂર રાખવો જોઇએ
મોબાઇલ ફોનને તમારી પથારીથી ઓછામાં ઓછો 3 ફૂટનાં અંતરે મુકવો જોઇએ. આમ કરવાથી તમે ખતરનાક રેડિએશનથી બચી શકો છો. આમ, તમે મોબાઇલ ફોનની લતમાંથી છૂટકારો મેળવવા ઇચ્છો છો તો રાત્રીનાં સમયે તમારો સાઇલન્ટ કરી દો. આ સાથે તમે ફોનની જગ્યાએ બુક વાંચવાનું પસંદ કરો.આમ, તમને જણાવી દઇએ કે અનેક લોકોને રાત્રે મોડા સુધી મોબાઇલ જોવાની આદત હોય છે. આ આદત તમારાં સ્વાસ્થ્યને અનેક રીતે નુકસાન કરી શકે છે. રિચર્સ પણ કહે છે કે ક્યારેય પણ કોઇ વ્યક્તિએ અંધારામાં મોબાઇલ જોવો જોઇએ નહીં. અંધારામાં મોબાઇલ જોવાથી આંખોને ભયંકર નુકસાન થઇ શકે છે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App