November 28, 2024
Surat News: સુરતના અમરોલીની શાળા ક્રમાંક 285ના આચાર્યએ એનઓસી લીધા વગર વારંવાર દુબઈ જતા હોવાની ફરિયાદ મળી હતી. જેના આધારે તપાસ શરૂ કરાય છે. સરકારી શાળાના આચાર્ય સંજય પટેલ શાળાનું કામ છોડી વ્યાપાર કરતા હોવાની મળી ફરિયાદ હતી.દુબઈમાં (Surat News) વેપાર કરતાં હોવાથી વારંવાર દુબઈ જતા હોવાની મળી ફરિયાદ હતી.વર્ષ 2023 માં 33 વખત દુબઈ પ્રવાસ કર્યો હોવાની માહિતી મળી છે.આચાર્યને અપહરણકારોએ ઢોર માર માર્યો હોવાની પોલીસમાં કરી છે. બીજી તરફ રાજ્ય સરકારે ત્વરિત કાર્યવાહી કરીને આચાર્ય સંજય પટેલ સસ્પેન્ડ કર્યા છે.
આ અંગે તપાસ કરાશે
અકસ્માતનું બહાનું કાઢીને હાલ આચાર્ય મેડિકલની લીવ લઇ ઉતરી ગયા છે.કોઈપણ શિક્ષક કે આચાર્ય વિદેશ પ્રવાસ કરે તો ફરજિયાત સંબંધિત અધિકારીને NOC લઈ જાણ કરવાની હોય છે.આચાર્ય સામે મળેલી ફરિયાદને લઈ તેને રૂબરૂ ખુલાસા માટે તેને નોટિસ આપી છે .દુબઈ ફરવા ગયા હશે તો પાસપોર્ટ પર સિક્કાના પુરાવા પણ લેવામાં આવશે.જાણ કર્યા વગર કે ગેરરીતી પૂર્વક વારંવાર રજા પર જતા હોવાની ફરિયાદને લઈ સઘન તપાસ શરૂ કરાય છે.ટૂંક સમયમાં તપાસનો રિપોર્ટ તૈયાર કરવામાં આવશે.જે રીતની ફરિયાદ મળી છે. તેમાં જો આચાર્ય દોષિત જાહેર થાય તો આચાર્યને બરતરફ કરવા સુધીની પણ સજા થઈ શકે છે.શાળાના રજીસ્ટર થી લઈ ઓનલાઇન રજીસ્ટર ની હાજરી સુધીની તપાસ શરૂ કરી છે.
3.50 કરોડ આપ્યા
સુરતના શિક્ષકની ઓળખાણ મારફતે પૂર્વ ધારાસભ્યના ભત્રીજાને ઉછીના 3.50 કરોડ આપ્યા હતાં. જોકે, પૂર્વ ધારાસભ્ય ધનજીપટેલના ભત્રીદા ચંદ્રેશ મકાસણાએ પૈસા પરત ન આપતા સુરતના શિક્ષકને મણીનગર બોલાવવામાં આવ્યો. શિક્ષકને પૈસા પરત ન મળતાં વિવિધ જગ્યાએ ગોંધી રાખી માર મારવામાં આવ્યો હતો. હાલ, પોલીસ સ્ટેશનમાં આ મામલે ફરિયાદ નોંધવામાં આવી છે.
Trending News
શું હતો સમગ્ર બનાવ?
સુરતમાં રહેતા સંજય પટેલ અમરોલીની શાળામાં આચાર્ય તરીકે ફરજ બનાવે છે. આશરે આઠેક માસ પહેલાં નિકોલમાં સરકારી કોન્ટ્રાક્ટર તરીકે કામ કરતાં જીગ્નેશ બલદાણીયાની ઓળખ શિક્ષકના દુબઈ રહેતા મિત્ર ચંદ્રેશ મકાસણા સાથે થઈ. ચંદ્રેશ મકાસણા વઢવાણ વિધાનસભાના પૂર્વ ધારાસભ્ય ધનજી પટેલનો ભત્રીજો છે. જેનું મૂળ વતન સુરેન્દ્રનગર છે. જીગ્નેશની સંજય પટેલ અને ચંદ્રેશ મકાસણા સાથે મિત્રતા બંધાઈ ગઈ. ત્યારબાદ એકબીજા સાથે નાણાંકીય લેવડદેવડ પણ ચાલતી હતી. આ દરમિયાન ચંદ્રેશે ઉછીના નાણાંની માગ કરતાં શિક્ષક સંજય પટેલે જીગ્નેશ તેમજ કુલદીપ સોલંકી નામના વ્યક્તિ પાસે 3.50 કરોડની સગવડ કરાવી આંગડિયા મારફતે દુબઈ મોકલી આપ્યાં.
શિક્ષકને ગોંધી રાખી માર્યો ઢોરમાર
ત્યારબાદ જીગ્નેશ અને કુલદીપે ચંદ્રેશ પાસે નાણાની માગણી કરી, છતાં આજદીન સુધી રૂપિયા પરત કરવામાં નથી આવ્યા. જેથી કરીને બંનેએ 19 નવેમ્બરે શિક્ષક સંજય પટેલને ફોન કરી કહ્યું કે, જીગ્નેશનો ફોન આવ્યો હતો અને ધંધા માટે મણિનગર ખાતે આવેલી કુલદીપની ઓફિસે બોલાવ્યા છે. ફોન આવ્યાના એક દિવસ બાદ શિક્ષકે મણિનગર ખાતે આવેલી કુલદીપની ઓફિસમાં પહોંચ્યો. જ્યાં જીગ્નેશ અને કુલદીપે શિક્ષકને ઢોર માર માર્યો અને બળજબરી પૂર્વક તેના બે ફોન, પર્સ અને કાર પડાવી ઓફિસમાં ગોંધી રાખ્યા. ત્યારબાગદ કુલદીપે પોતાના ડ્રાઇવર અને રૉકી નામના શખસ સાથે મળી શિક્ષકને તેની જ કારમાં બળજબરી પૂર્વક બેસાડી સુરેન્દ્રનગર વલઈ જવા નીકળ્યાં. તે દરમિયાન રસ્તા વચ્ચે ઉછીના નાણાં લેનાર જીગ્નેશ સાથે વાતચીત થતાં ફરી પોતાની ઓફિસે પહોંચ્યા હતાં.
શિક્ષકે નોંધાવી ફરિયાદ
ત્યારબાદ મોડી રાત સુધી કુલદીપે શિક્ષકને પોતાની ઓફિસમાં ગોંધી રાખ્યો અને કહ્યું કે, ‘તારા મિત્રના પૈસા તારે જ આપવાના છે.’ આવું કહીને તેને માનસિક પરેશાન કરવામાં આવ્યો. ત્યારબાદ કુલદીપ, જીગ્નેશ અને અન્ય બે શખસોએ સાથે મળી શિક્ષકને કારમાં બેસાડી જાણુ ગામ ખાતેના ફાર્મ હાઉસમાં લઈ ગયાં. ત્યાં ફરી શિક્ષકને ગોંધી રાખ્યો અને ત્યાં તેમના માણસોએ હૉકી અને ગડદાપાટુથી શિક્ષકને ઢોર માર માર્યો. જોકે, શિક્ષક ટોઈલેટ જવાના બહાને ત્યાંથી છટકી કઠવાડા ખાતે પહોંચી પોલીસ સ્ટેશનમાં ફરિયાદ નોંધાવી છે.
છૂટનો દુરુપયોગ કરનારને છોડાશે નહી
રાજ્ય શિક્ષણ મંત્રી પ્રફુલભાઈ પાનશેરીયાએ કહ્યું કે, રાજ્યના લાખો શિક્ષકો કર્તવ્યનિષ્ઠાથી પોતાની ફરજ નિભાવી રહ્યા છે, ત્યારે આખા સુરતમાં બિનઅધિકૃત રજા પર હોય એવા માત્ર ૨ શિક્ષકોની વિગતો મળી છે.પોતાને મળેલ છૂટનો દુરુપયોગ કરી કાયદાની છટકબારી કરનાર આ શિક્ષકો સામે કડક કાર્યવાહી કરવા શિક્ષણ વિભાગ પ્રતિબદ્ધ છે. સરકારી ફરજ સાથે વ્યાપાર કે અન્ય ધંધાકીય પ્રવૃત્તિ કરવી એ બાળકોના ભાવિ સાથે ગંભીર ચેડા છે. જે બાળકોના શિક્ષણ અને ભવિષ્ય પર માઠી અસર કરે છે. પોતાના સ્વાર્થ માટે બાળકોના ભવિષ્ય પર છેડા કરનારા શિક્ષકોને માફ નહિ કરી શકાય. આ શિક્ષકો પર શિક્ષાત્મક પગલાં લેવાની અને રજા પગાર મેળવ્યો હોય તો એ પણ પરત લેવાની સૂચના આપી હોવાનું તેમણે ઉમેર્યું હતું.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App