January 24, 2025
Kho-Kho World Cup: ભારતીય મહિલા ટીમે રવિવારે ઈન્દિરા ગાંધી ઈન્ડોર સ્ટેડિયમમાં નેપાળને હરાવી પ્રથમ ખો-ખો વિશ્વકપ જીત્યો છે. પ્રિયંકા ઝાંગલેના નેતૃત્વવાળી ભારતીય ટીમે ફાઈનલમાં નેપાળને 78-40થી પરાજય આપ્યો હતો. ખો-ખોમાં વિશ્વ વિજેતા બનેલી ભારતીય ટીમમાં (Kho-Kho World Cup) એક ગુજરાતી ખેલાડી પણ સામેલ છે. ગુજરાતના ડાંગ જિલ્લાના સુબિર તાલુકાના છેવાડાના બિલિઆંબા ગામની દીકરી ઓપીના દેવજીભાઈ ભિલારે ખો-ખો રમતમાં રાષ્ટ્રીય સ્તરે નામના મેળવી છે.
ટીમની જીતમાં પોતાનું યોગદાન આપ્યું
પ્રથમ વર્લ્ડ કપ ટ્રોફીની ભેટ ધરનાર ભારતીય (વુમન્સ) ખો ખો ટીમમાં એક ખેલાડી તરીકે સામેલ ડાંગની દીકરી ઓપીના ભિલારે, ડાંગ અને ગુજરાતનું નામ દેશ અને દુનિયામાં રોશન કર્યું છે.બિલિઆંબા ગામની આ ખેલાડીએ લીગ રાઉન્ડની સાઉથ કોરિયા, ઈરાન અને મલેશિયા સામેની મેચમાં, તથા સાઉથ કોરિયા સામેની સેમી ફાઈનલ અને નેપાળ સામેની ફાઈનલ મેચમાં નવ (9) નંબરની જર્સી સાથે, એક ઓલ રાઉન્ડર ખેલાડી તરીકે ઉત્કૃષ્ટ પ્રદર્શન કરી, ટીમની જીતમાં પોતાનું યોગદાન નોંધાવ્યું છે.
નેપાળની ટીમ સ્કોર બનાવવામાં નિષ્ફળ રહી
બેસ્ટ ડિફેન્ડર અને બેસ્ટ એટેકર એવી એક ઓલ રાઉન્ડર ખેલાડી તરીકે, ગુજરાત ખો ખો ટીમની કેપ્ટન એવી ઓપીના ભિલારે, ખો ખો રમતના તમામ પાસાઓ જેવા કે પોલ ડ્રાઈવ, સ્કાય ડ્રાઈવ, ટચ પોઈન્ટ, અધર ડ્રાઈવ, અને ડ્રીમ રન મેળવવામાં પણ તેનો ફાળો નોંધાવ્યો છે.
Trending News
ઈન્દિરા ગાંધી ઈન્ડોર સ્ટેડિયમમાં ભારતીય મહિલા ટીમે શાનદાર પ્રદર્શન કરતા પહેલા ટર્નમાં 34 પોઈન્ટ બનાવ્યા હતા. જોકે, સામે રમી રહેલી નેપાળની ટીમ સ્કોર બનાવવામાં નિષ્ફળ રહી હતી.તો બીજા ટર્નમાં ભારતનો સ્કોર 35 પોઈન્ટ રહ્યો જ્યારે નેપાળની ટીમે 24 પોઈન્ટ હાસિલ કર્યાં હતા. બીજા ટર્નમાં ભારતે 1 પોઈન્ટ તથા નેપાળે 24 પોઈન્ટ બનાવ્યા હતા.
ભારતનો સ્કોર 78 તો નેપાળનો 40 પોઈન્ટ રહ્યો
બ્રેક બાદ ત્રીજા ટર્નમાં ભારતનો સ્કોર 73 તથા નેપાળનો સ્કોર 24 પોઈન્ટ રહ્યો હતો. ત્રીજા ટર્નમાં ભારતીય ટીમે કમાલનું પ્રદર્શન કરતા 38 પોઈન્ટ મેળવ્યા હતા. ચોથા ટર્નની પ્રથમ ઈનિંગમાં નેપાળે 6 પોઈન્ટ બનાવ્યા તો ભારતને પાંચ પોઈન્ટ મળ્યા હતા. પ્રથમ ઈનિંગનો સ્કોર 78-30 રહ્યો. ચોથા ટર્નના અંતમાં સીટી વાગવા સુધી ભારતનો સ્કોર 78 તો નેપાળનો 40 પોઈન્ટ રહ્યો હતો. ભારતીય ટીમે 38 પોઈન્ટથી આ મેચ જીતીને વિશ્વમાં ડંકો વગાડ્યો છે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો:
- Trishul News Gujarati iPhone App