January 31, 2025
Surat Accident: સુરતની અઠવાલાઈન્સ પોલીસ મળસ્કે નાનપુરા ટીમલીયાવાડ ત્રણ રસ્તા પાસે વાહન ચેકીંગ કરતી હતી ત્યારે અઠવાગેટ તરફથી કારમાં આવતા નાનપુરાના વોન્ટેડ બુટલેગરે હેડ કોન્સ્ટેબલને ઉડાવતા તેને ઈજા થઈ હતી. હેડ કોન્સ્ટેબલને (Surat Accident) ઉડાવીને ભાગતા બુટલેગરને પોલીસે પીછો કરી તેની કાર બંધ પડી જતા પકડયો હતો.
આ દરમિયાન પોલીસ સાથે વિરોધ કરી ભાગવા પ્રયત્ન કર્યો હતો. જ્યારે તેને પકડોને પોલીસ સ્ટેશનમાં લઈ ગયા ત્યારે તેણે પીએસઓને પણ ઝાપટ મારી દીધી હતી. તેમજ હેડ કોન્સ્ટેબલને ઉડાવવાની ઘટના સીસીટીવીમાં કેદ થઈ જવા પામી છે. હાલ તો અઠવા પોલીસ દ્વારા આરોપીની ધરપકડ કરી કાર કબજે લીધી છે. આરોપીના રિમાન્ડ મેળવવાની તજવીજ હાથ કરવામાં આવી છે.
હેડ કોન્સ્ટેબલને ઉડાવવાની ઘટના
સુરતના અઠવાલાઈન્સ પોલીસ સ્ટેશનમાં ફરજ બજાવતા હેડ કોન્સ્ટેબલ કારાભાઈ જાદવભાઈ મધરાતે પેટ્રોલીંગ કરી એક વાગ્યાથી ત્રણ વાગ્યા દરમિયાન ટીમલિયાવાડ ત્રણ રસ્તા પાસે પીસીઆર 33 અને 34 ના સ્ટાફ સાથે વાહન ચેકીંગ કરતા હતા. ત્યારે અઠવાગેટ તરફથી કાર (GJ-15-CD- 1012) આવતા કારાભાઈએ તેને રોકવા ઈશારો કર્યો હતો. કારચાલકે કાર ઊભી રાખવાના બદલે ફૂલ સ્પીડમાં ભગાવી ત્યારબાદ ફરી પરત આવ્યો અને હે.કો. કારાભાઇને કારથી જોરદાર ટક્કર મારી ઉડાવી દીધા હતા. હવામાં ફંગોળાઈને જમાદાર બોનેટ પર પટકાયા હતા. જમાદાર બોનેટ પરથી જમીન પર પડયા હતા અને કારચાલકે ભાગી છૂટવાનો પ્રયાસ કર્યો હતો.
Trending News
ગાંધીસ્મૃતિ ભવન નજીક બની આ ઘટના
અન્ય પોલીસ કર્મીઓએ પીસીઆરમાં પીછો કરતા કારચાલકે ગાંધીસ્મૃતિ ભવન પાસેથી યુ-ટર્ન લઇ અઠવાગેટ તરફ ભાગવાની ફિરાકમાં હતો. જોકે, કૈલાસ રેસ્ટોરન્ટ પાસે કાર અચાનક બંધ થઇ જતા પોલીસે કારચાલકને પકડી પાડયો હતો. અઠવા પોલીસે કારવાવક ચિત્રાર્થ ઉર્ફે ચિતરાજ ઉર્ફે ચિન્ટુ ભરત રાંદેરી (રહે. એકતા સકલ પાસે, નાનપુરા)ને સકંજામાં લઈ સરકારી વાહનમાં બેસાડવા પ્રયાસ કરતા તેને અહીં પણ આનાકાની કરી કે વિરોધ કરી ભાગવાની કોશિશ કરી હતી.
આરોપીની કરવામાં આવી ધરપકડ
પોલીસ કર્મીઓ સાથે પણ ગેરવર્તન કર્યું હતું. બળપ્રયોગ કરી પીસીઆરમાં બેસાડી તેને પોલીસ મથકે લઇ જવાયો હતો. અઠવા પોલીસ મથકના પીએસઓ સકારામભાઇ સાથે પણ જીભાજોડી કરી ઝાપટ મારી દીધી હતી. પોલીસે રાંદેરીની ફોક્સવેગન કંપનીની વેન્ટો કાર કબજે લીધી હતી. અઠવા પોલીસે પોલીસ કર્મીની હત્યાની કોશિશ અને સરકારી ફરજમાં રૂકાવટનો ગુનો નોંધી ધરપકડ કરી હતી.
આ આરોપી ઘણી વખત દારૂની હેરાફેરીમાં પકડાઈ ચૂક્યો છે
પોલીસના જણાવ્યા પ્રમાણે ચિત્રાર્થ ઉર્ફે ચિન્ટુ રાંદેરી લિસ્ટેડ બુટલેગર છે. અઠવા, અડાજણ સહિત 3 પોલીસ મથકે નોંધાયેલા પ્રોહિબિશનના ગુનામાં તે વોન્ટેડ હતો. અઠવામાં પણ તે ઘણી વખત દારૂની હેરાફેરીમાં પકડાઈ ચૂક્યો છે. અગાઉ તેના બે કેસની તપાસ હે.કો. કારાભાઈ જ કરી ચૂક્યા છે. જેથી કિન્નાખોરી કહો કે દાઝ રાખી બુટલેગર રાદેરીએ હે.કો. કારાભાઈને ઇરાદાપૂર્વક કારથી ઉડાવી દેવાની કરસ્તૃત કરી હતી. કારમાં બે વખત રેકી કરતો પણ સીસીટીવીમાં કેદ થયો હતો.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો:
- Trishul News Gujarati iPhone App