March 12, 2025
IPL 2025 In Delhi Capitals: IPL 2025માં દિલ્હી કેપિટલ્સના નવા કેપ્ટન અંગે એક મોટી અપડેટ સામે આવ્યું છે. દિલ્હી એકમાત્ર એવી ટીમ છે જેણે અત્યાર સુધી પોતાના કેપ્ટનની (IPL 2025 In Delhi Capitals) જાહેરાત કરાઇ નથી. તાજેતરમાં એવા સમાચાર આવ્યા હતા કે કેએલ રાહુલ અથવા અક્ષર પટેલમાંથી કોઈ એકને દિલ્હી ટીમની કેપ્ટનશીપ સોંપવામાં આવી શકે છે. હવે એક મીડિયા રિપોર્ટ અનુસાર, ઓલરાઉન્ડર અક્ષર પટેલ IPL 2025માં દિલ્હી કેપિટલ્સની કેપ્ટનશીપ કરવા જઈ રહ્યો છે. પટેલે કેટલીક IPL મેચોમાં કેપ્ટનશીપ કરી છે, પરંતુ આખી સીઝન દરમિયાન તેણે ક્યારેય કોઈ ટીમનું નેતૃત્વ કર્યું નથી.
શું અક્ષર પટેલ દિલ્હી કેપિટલ્સનો કેપ્ટન બનશે?
અક્ષર પટેલને ટૂંક સમયમાં દિલ્હી કેપિટલ્સનો કેપ્ટન બનાવવામાં આવી શકે છે. IANS દ્વારા આપવામાં આવેલા સૂત્રોના હવાલાથી જાણવા મળ્યું છે કે કેએલ રાહુલને કેપ્ટનશીપ ઓફર કરવામાં આવી હતી, પરંતુ તેણે આ ઓફરને નકારી કાઢી છે.
સૂત્રોએ જણાવ્યું હતું કે, “અક્ષર પટેલને IPL 2025 માટે દિલ્હી કેપિટલ્સનો કેપ્ટન બનાવવામાં આવી શકે છે. ફ્રેન્ચાઇઝીએ કેએલ રાહુલને કેપ્ટનશીપ વિશે પૂછ્યું હતું પરંતુ તે આગામી ટુર્નામેન્ટમાં કેપ્ટન તરીકે નહીં પણ ખેલાડી તરીકે દિલ્હીના પ્રદર્શનમાં યોગદાન આપવા માંગે છે.”
Trending News
કેએલ રાહુલે દિલ્હીના કેપ્ટનની ઓફર ઠુકરાવી દીધી
કેએલ રાહુલને આઈપીએલમાં બે ટીમોની કેપ્ટનશીપ કરવાનો અનુભવ છે. તેણે 2020 અને 2021માં પંજાબ કિંગ્સનું નેતૃત્વ કર્યું હતું, પરંતુ બંને સીઝનમાં પંજાબને પોઈન્ટ ટેબલમાં છઠ્ઠા સ્થાને સંતોષ માનવો પડ્યો હતો. 2022-2024 સુધી તેણે લખનઉ સુપર જાયન્ટ્સ (LSG) ની જવાબદારી સંભાળી અને ટીમને બે વાર પ્લેઓફમાં પણ પહોંચાડી હતી.
અક્ષર પટેલ હાલમાં ભારતની T20 ટીમનો વાઇસ કેપ્ટન પણ છે. તે IPL 2024માં દિલ્હી કેપિટલ્સનું નેતૃત્વ કરતો જોવા મળ્યો હતો. ગયા સીઝનમાં જ્યારે ઋષભ પંતને સ્લો-ઓવર રેટના કારણે મેચોમાંથી પ્રતિબંધનો સામનો કરવો પડ્યો હતો ત્યારે તે દિલ્હીનો કેપ્ટન બન્યો હતો. અક્ષરે તેની 150 મેચની IPL કારકિર્દીમાં અત્યાર સુધીમાં 1653 રન ફટકાર્યા હતા અને 123 વિકેટ ઝડપી હતી.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App