રોકેટ ગતિએ કોરોના સંક્રમણ: અમદાવાદમાં ગર્ભવતી યુવતીનું કોરોનાથી મોત Trishul News Gujarati

Gujarat Corona Case: ગુજરાતમાં કોરોનાના એક્ટિવ કેસનો આંક 320 પાર થઈ ગયો છે. સૌથી વધુ એક્ટિવ કેસ ધરાવતા રાજ્યોમાં કેરળ, મહારાષ્ટ્ર, દિલ્હી બાદ ગુજરાત (Gujarat Corona Case) ચોથા સ્થાને છે. છેલ્લા 24 કલાકમાં ગુજરાતમાં એક્ટિવ કેસમાં 55નો ઉમેરો થયો છે. માહિતી અનુસાર 3 વર્ષ બાદ અમદાવાદમાં કોરોનાને કારણે કોઈનું મોત નીપજ્યું છે. ગુજરાતના 320 એક્ટિવ કેસમાંથી 163 માત્ર અમદાવાદમાં છે. 31 મેના એક જ દિવસમાં અમદાવાદમાં કોરોનાના 35 નવા કેસ નોંધાયા છે. આ ઉપરાંત એલ.જી. હોસ્પિટલમાં સારવાર લઇ રહેલી 46 વર્ષીય મહિલાનું મૃત્યુ થયું છે. જો કે આ માહિતી છુપાવામાં આવી હોવાના આક્ષેપો થઇ રહ્યા છે. જો કે અમદાવાદમાં કોરોનાના 163 દર્દીઓ સારવાર લઈ રહ્યા છે.

અમદાવાદમાં કોરોનાના મે મહિનામાં કોરોનાના કેસમાં ચિંતાજનક વધારો થયો હતો. મે મહિનામાં જ અમદાવાદમાંથી કોરોનાના 230 કેસ સામે આવ્યા હતા. જેમાંથી 56 દર્દીઓ દર્દીઓ સાજા થતાં રજા આપવામાં આવી છે. હાલમાં 163 દર્દીઓ કોરોનાની સારવાર હેઠળ છે.

46 વર્ષીય મહિલાનું કોરોનાથી મૃત્યુ
સૂત્રોના જણાવ્યા પ્રમાણે એલ.જી. હોસ્પિટલમાં સારવાર લઇ રહેલી દાણીલીમડાની 46 વર્ષીય મહિલાનું કોરોનાથી મૃત્યુ થયું છે. અમદાવાદમાં ૩ વર્ષ બાદ કોરોનાથી આ સંભવતઃસૌપ્રથમ મૃત્યુ છે. છતાં પણ 2 જૂન સુધી સત્તાવાર રીતે મૃત્યુ થયું હોવાની માહિતી આપવામાં આવી નહોતી. આમ મ્યુનિસિપલ કોર્પોરેશનના આરોગ્ય વિભાગ દ્વારા કોરોના અંગેની તમામ વિગતો છુપાવવામાં આવી રહી છે.

અમદાવાદમાં છેલ્લા બે દિવસથી કોરોનાના 30થી વધુ કેસ નોંધાઈ રહ્યા છે. હાલ અમદાવાદના પશ્ચિમ ઝોનમાં 45, ઉત્તર પશ્ચિમ ઝોનમાં 43, દક્ષિણ પશ્ચિમ ઝોનમાં 33, દક્ષિણ ઝોનમાં 18, મધ્ય ઝોનમાં 7, ઉત્તર ઝોનમાં બે કેસ નોંધાયાની વિગતો સામે આવી છે. 31 મેના રોજ 35 કેસ નોંધાયા હતા અને 17 દર્દીઓને રજા આપવામાં આવી હતી. એલ.જી. હોસ્પિટલની બોયઝ અને ગર્લ્સ હોસ્ટેલમાંથી પણ કોરોનાના 1-1 કેસ કન્ફર્મ થયા છે. આ સ્થિતિને પગલે એલ.જી., વાડીલાલ, શારદાબેન અને એસવીપી હોસ્પિટલમાં આઇસોલેશન વોર્ડ શરૂ કરવામાં આવ્યા છે.

એક તરફ કોરોનાના કેસમાં વધારો થઈ રહ્યો છે જ્યારે બીજી તરફ ગુજરાતના આરોગ્ય વિભાગ જેમ અમદાવાદ મ્યુનિસિપલ કોર્પોરેશન પણ કોરોનાની સાચી માહિતી છુપાવવા માટે રાબેતા મુજબ હવાતિયા મારી રહ્યું છે. જેની સરખામણીએ મહારાષ્ટ્ર, દિલ્હી, કેરળ દ્વારા કોરોના અંગેની માહિતી નિયમિત રીતે જાહેર કરી લોકોને અવગત કરાવવામાં આવે છે.

#ट्रेंडिंग हैशटैग:Ahemdabad Corona Case Updates COVID 19 Cases COVID 19 Cases in India Gujarat Corona Case trishulnews

Trishul News Gujarati

રોકેટ ગતિએ વધ્યું કોરોના સંક્રમણ: અમદાવાદમાં આજે ગર્ભવતી યુવતીનું કોરોનાથી મોત, ગુજરાતમાં 338 કેસ

V D

Trending News

કચ્છના અંજાર પાસે 3 વાહનો વચ્ચે અકસ્માત: 2 ના મોત, ચાર ઈજાગ્રસ્તો

ગુજરાત માટે ગોઝારો બન્યો મંગળવાર: દાહોદ અને જાફરાબાદ અકસ્માતમાં 2 લોકોને ભરખી ગયો કાળ

મોરબી પોલીસ બેડામાં ખળભળાટ: હેડ કોન્સ્ટેબલ 2,35,000ની લાંચ લેતા ACBના હાથે ઝડપાયા

સામૂહિક સમર્પણ, એકબીજાની પ્રગતિમાં સહભાગી થવાનો સંકલ્પ એટલે તળાવીયા પરિવાર સ્નેહમિલન સમારોહ

40 સ્ટાર પ્રચારકો કડી-વિસાવદર પેટા ચૂંટણીના મેદાનમાં, લિસ્ટમાં ભૂપેન્દ્ર પટેલથી લઇને…!