હિન્દૂ ડાયમંડ વેપારીને હાથ લાગ્યો અલ્લાહ લખેલો સ્ટોન, કહ્યું આ પથ્થર નહિ ભગવાનની ભેટ છે

આપણે જાણીએ છીએ કે પૃથ્વીના પેટાળમાંથી કીમતી પથ્થરો નીકળે છે. જેને હીરા-માણેક સહિતના નામે દુનિયા ઓળખે છે. ઘણી વખત અલગ અલગ આકાર ના પથ્થર નીકળે છે અને કરોડો અબજો રૂપિયા એ પથ્થર વેચાતા હોય છે. ત્યારે કુદરત નો એક અનોખો જાદુ હોય એવી સંરચના સુરતના એક હિન્દુ વેપારી ને હાથ લાગી છે.

સુરતના હીરાવેપારી કનુભાઈ વર્ષોથી કાચા હીરા લે-વેચનું કામ કરે છે. તેઓને એક વર્ષ અગાઉ મહારાષ્ટ્રની એક ખાણમાંથી 296.11 કેરેટનો એક stone મળી આવ્યો હતો. જેમાં કુદરતી રીતે અલ્લાહ લખેલું છે. આ સ્ટોન પર ઉર્દૂ ભાષામાં અલ્લાહ લખેલુ દેખાઈ આવે .છે આ બાબતે જ્યારે અમારી ટીમે તેમની સાથે વાત કરી ત્યારે તેઓએ કુદરત ની આ કરામત ને પથ્થર કહેવાને બદલે ભગવાનની ભેટ કહેવાનું સૂચવ્યું. તેઓ જણાવે છે કે ધર્મ ભલે અલગ હોય પણ ધાર્મિક આસ્થાનું પ્રતિક હોવાથી આ સ્ટોન મેં વેચ્યો નથી. અને મારી પાસે જ રાખ્યો છે અને આને પથ્થર નહીં પરંતુ ભગવાનની ભેટ કહેવાય.