ભારતમાં એક એવું મંદિર આવેલું છે જ્યાં પુરુષોના પ્રવેશ પર છે પ્રતિબંધ, જાણો શું છે તેનું રહસ્ય…

ભગવાન તો બધા માટે સરખા જ હોય છે અને ભગવાન માટે બધા માનવીઓ પણ સરખા જ હોય છે. તો પછી એવું કેમ? શા માટે  પુરુષો ને આ મંદિરમાં પ્રવેશ નથી મળતો. તો ચાલો તમને જણાવીએ… મંદિરમાં મહિલાઓનો પ્રવેશ વર્જિત હોય તેવું અનેકવાર સાંભળવામાં આવ્યું હશે. પરંતુ ભારતમાં એવા મંદિર પણ છે જ્યાં પુરુષોને પ્રવેશ કરવાની મનાઈ છે.

આ મંદિર આવેલું છે કેરળના તિરુવનંતપુરમમાં, જ્યાં દેવી પાર્વતીના મંદિરમાં માત્ર મહિલાઓને પ્રવેશ આપવામાં આવે છે. આ મંદિર નારી સબરીમલા તરીકે પણ પ્રખ્યાત છે. દર વર્ષે આ મંદિરના દર્શનાર્થે અંદાજે 30 લાખથી વધુ મહિલાઓ આવે છે. રાજસ્થાનના પુષ્કરમાં આવેલું છે બ્રહ્માજીનું એક માત્ર મંદિર. આ મંદિરના ગર્ભગૃહમાં પણ વિવાહીત પુરુષોના પ્રવેશ પર પ્રતિબંધ છે. માનવામાં આવે છે કે દેવી સરસ્વતીના શ્રાપના કારણે વિવાહીત પુરુષોને મંદિરમાં જવા દેવામાં નથી આવતાં.

કેરળના અલાપુઝા જિલ્લામાં આવું જ એક મંદિર આવેલું છે જ્યાં માત્ર મહિલાઓને જ પ્રવેશ મળે છે. દર વર્ષે પોંગલનો તહેવાર ઉજવવામાં આવે છે. જેમાં માત્ર મહિલાઓ જ ભાગ લે છે. આ ઉજવણી એક સપ્તાહ સુધી ચાલે છે. આ તહેવારને નારી પૂજા પણ કહેવાય છે. તમિલનાડૂનું દેવી કન્યાકુમારી મંદિર 51 શક્તિપીઠમાંથી એક છે. દેવી ભગવતીના આ સ્વરૂપને સંન્યાસની દેવી તરીકે પણ ઓળખાય છે. એટલા માટે જ આ મંદિરના ગર્ભગૃહમાં વિવાહિત પુરુષોને પ્રવેશ કરવા દેવામાં નથી આવતો.