સુરતમાં સરકારી અનાજ સગેવગે કરવાનું કૌભાંડ બહાર આવ્યું- હજારો બોરી અનાજ જાગૃત નાગરિકે પકડ્યું

સુરત શહેરમાં કૌભાંડ હવે સામાન્ય વાત બની હોય તેવું લાગી રહ્યું છે, કારણ કે લોકડાઉન જેવા સમય વચ્ચે થોડા સમય પહેલા સરકાર દ્વારા મળતા રાશનમાં મોટા કૌભાંડનો પર્દાફાશ થયો હતો. હાલ પણ સુરત શહેરમાં એવી જ એક ઘટના સામે આવી છે. સુરત જીલ્લાના કામરેજ વિસ્તારની ઘટના સામે આવી છે. સુરતના લાડવી ગામમાં સરકાર તરફથી મળતા અનાજને સગા અને સ્નેહીજનોને બારોબાર વેચી મારવાનું મોટા કૌભાંડનો પર્દાફાશ થયો છે.

સુરત શહેરના કામરેજ વિસ્તારમાં આવેલા લાડવી ગામની આ ઘટના સામે આવી છે. જેમાં સરકાર દ્વારા મળતા રાશનનું અનાજ દુકાને થી જ બારોબાર સગા અને તેમના સ્નેહીઓને આપી દેવામાં આવતું હતું. ત્યાના સ્થાનિક લોકોને આ અંગે શંકા જતા તેમણે જાતે જ તપાસ હાથ ધરી હતી અને આ કૌભાંડનો પર્દાફાશ કર્યો હતો. આ કૌભાંડનો એક વિડીયો પણ હાલ સોસીયલ મીડિયામાં વાયુવેગે વાયરલ થયો છે.

આ પહેલા પણ સુરતમાં રાશનના કૌભાંડનો પર્દાફાશ થયો હતો. અને હાલના સમયમાં તો એનાથી પણ મોટું કૌભાંડ સામે આવ્યું છે. રોજ રોજ ઠાલવવામાં આવતા રાશનના ટ્રકને બારોબાર બીજાને આપી દેવામાં આવતું હતું. અને જરૂરિયાત અને ગરીબો સુધી આ અનાજ નહોતું પહોચી શકતું. એકતરફ કોરોના દિવસેને દિવસે લોકોના જીવ લઇ રહ્યો છે અને હજારો લોકોનો શિકાર કર્યો છે અને બીજીતરફ સમાજમાં રહેતા આવા લુખ્ખાતત્વોને કારણે આવા કૌભાંડ થાય છે. અને હરામનું ખાઈને પોતાના ખિસ્સા ગરમ કરી રહ્યા છે.