November 24, 2024
હાલમાં કોરોનાની મહામારી સમગ્ર વિશ્વમાં ચાલી રહી છે. આની સાથે રાજ્યમાં પણ થોડાં દિવસથી દારૂ તેમજ દારૂથી સંબંધિત ઘણી ઘટનાઓ સામે આવી રહી છે. હાલમાં પણ આવી જ એક ઘટના રાજ્યમાં આવેલ અમદાવાદ શહેરમાંથી સામે આવી રહી છે.
અમદાવાદમાં દારૂની મહેફિલની એક ચોંકાવનારી ઘટના સામે આવી છે. હાલમાં કોરોના સમયમાં ક્વોરન્ટાઈનને માટે બનાવેલ હોટલમાં એક પોઝિટિવ દર્દી એનાં મિત્રની સાથે દારૂની મહેફિલ માણતાં પકડાયો છે. કોરોના દર્દીનો મિત્ર નેગેટિવ આવ્યો છે તથા આ હોટલમાં કોરોના પોઝિટિવ દર્દીની સાથે તેનો મિત્ર કેવી રીતે રૂમ સુધી પહોંચી ગયો, તેવા ઘણાં પ્રશ્નો ઉભા થઈ રહ્યા છે.
Trending News
આ ઘટનાની વિગતમાં વાત કરીએ તો અમદાવાદમાં આવેલ બોડકદેવ વિસ્તારમાં આવેલ ‘હોટલ જિંજર’ને હાલમાં કોરોનાની મહામારી સમયમાં ક્વોરન્ટાઈન સેન્ટરમાં બદલવામાં આવી છે તથા વિદેશથી આવતાં લોકો અહીં ક્વોરન્ટાઈનમાં રહી શકે છે.
પરંતુ વસ્ત્રાપુર પોલીસને જાણ મળી હતી કે હોટલનાં રૂમમાં દારૂની મહેફિલ ચાલી રહી છે. ત્યારબાદ પોલીસે હોટલ જિંજરમાં દરોડા પાડ્યો હતો.પોલીસને હોટલનાં રૂમમાં કોરોના પોઝિટિવ દર્દીની સાથે તેનો મિત્ર પણ મળી આવ્યો હતો તથા રૂમમાં દારૂની બોટલ પણ સાથે જ મળી આવી હતી. હવે કોરોના દર્દીનો મિત્ર નેગેટિવ છે. હવે આ મામલે હોટલ સંચાલકોની સામે ઘણાં પ્રશ્નો ઉભા થઈ રહ્યા છે.
ક્વોરન્ટાઈન સેન્ટરમાં કોઈ નેગેટિવ વ્યક્તિ અંદર કેવી રીતે આવ્યો. આ મામલે પોલીસે બોડકદેવ વિસ્તારમાં આવેલ મલ્હાર એપાર્ટમેન્ટમાં રહેતાં માત્ર 24 વર્ષનાં જય પટેલ તથા સાણંદ વિસ્તારમાં આવેલ સરદાર પટેલ સોસાયટીમાં રહેતાં માત્ર 24 વર્ષનાં આકાશ પટેલને ઝડપી પાડીને આગળની કાર્યવાહી હાથ ધરી છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. અમારા ટેલીગ્રામ ગ્રુપ માં જોડાઈને મેળવો તમામ અપડેટ: https://t.me/trishulnews