સુરત: ધોળા દિવસે પુણાગામ વિસ્તારમાં એક વ્યક્તિની ચપ્પુના ઘા મારી હત્યા

સુરતમાં ગુનાઓની સંખ્યા સતત વધી રહી છે. એવામાં આજરોજ સુરતના પુણા ગામ વિસ્તાર માં એવી જ એક ઘટના બની હતી. સુરતના પુણાગામ વિસ્તારમાં આવેલા ડીએમજી પાર્કના ગોડાઉનમાં એક યુવકની હત્યા કરવામાં આવી.

એ વ્યક્તિનું ઘટનાસ્થળે જ મૃત્યુ નીપજયું હતું. મૃતક યુવકની ઉંમર ૩૫ વર્ષ હોવાનું અનુમાન કરવામાં આવી રહ્યું છે. એક યુવકે ચપ્પુના ઘા મારી હત્યા કરી ભાગી ગયો હતો. ત્યારબાદ પુણાગામના પીઆઇએ કારમાં પીછો કરી આરોપીને ઝડપી પાડયો હતો.

આરોપીએ મૃતક યુવકના ગળાના ભાગે ચપ્પુના ઘા માર્યા હતા. આ ઘટના બન્યા બાદ મોટી સંખ્યામાં પોલીસ સ્ટાફ ઘટનાસ્થળે પહોંચ્યો હતો. હાલમાં યુવકની હત્યાના મામલે પોલીસ ગુનાની તપાસ કરી રહી છે.