November 16, 2024
હાલમાં સનસિટી જોધપુરમાં મર્ડરની એક દુ:ખદ ઘટના સામે આવી છે. અહીં એક પાગલ પતિએ પત્નીને છરી વડે માર માર્યો હતો. બાદમાં, તેમણે પોલીસ અને તેના સાસરાવાળાને ફોન કરીને બનાવ અંગે માહિતી આપી હતી. વાતની જાણ થતા જ પોલીસ ઘટના સ્થળે પહોંચી ત્યારે આરોપી ઘરની બહાર પતિ મોબાઈલ પર રમતો જોવા મળ્યો હતો. પોલીસે તેની ધડપકડ કરી છે. હત્યાના કારણો અંગે હાલમાં ખુલાસો કરવામાં આવ્યો નથી. પોલીસ આ મામલે તપાસ હાથ ધરી છે.
જે માહિતી મળી છે તે મુજબ, આ બનાવ શહેરના મહામંદિર પોલીસ સ્ટેશન વિસ્તારમાં બન્યો હતો. બીજેએસ નિવાસી વિક્રમસિંહ જેની ઉંમર 32 વર્ષ છે તે રવિવારે રાત્રે પત્ની શિવ કંવરને છરી વડે મારીને હત્યા કરી હતી. જયારે શિવ કંવર ભરનિંદરમાં સુતી હતી તે જ સમયે, વિક્રમસિંહે તેની ગળા અને છાતી પર કાતરથી હુમલો કરી તેની હત્યા કરી હતી. તે પછી વિક્રમસિંહે જાતે જ તેના સસરા મનોહરસિંહ અને મહામંદિર પોલીસ સ્ટેશનમાં ફોન કરીને ઘટનાની જાણકારી આપી હતી. માહિતી મળતા પોલીસ તેના ઘરે પહોંચી ત્યારે ઘરની બહાર બેઠેલો આરોપી મોબાઇલ પર ગેમ રમતો મળી આવ્યો હતો.
શરૂઆતની તપાસમાં બહાર આવ્યું છે કે, વિક્રમસિંહ મૂળ જોધપુરના ફલોદીના અખાધણા ગામનો રહેવાસી છે. તેના લગ્ન વર્ષ 2008માં નાગૌરના સિંગડામાં રહેતા મનોહરસિંહની પુત્રી શિવ કંવર સાથે થયા હતા. રવિવારે રાત્રે લગભગ 9 વાગ્યે વિક્રમે તેના સસરા મનોહર સિંહને ફોન કર્યો અને કહ્યું કે, તેણે તેની દીકરીની હત્યા કરી નાખી છે. આ સમાચાર સાંભળીને મનોહરસિંહના પગ નીચેથી જમીન સરકી ગઈ હતી.
Trending News
મૃતકના ભાઈએ જણાવ્યું કે, વિક્રમસિંહ બેરોજગાર છે. તે દરરોજ પૈસાની બાબત પર તેની બહેનને હેરાન કરતો હતો. ઘણી વાર તેના પરિવારે વિક્રમસિંહને પૈસા આપીને મદદ પણ કરી. મૃતકના ભાઇના જણાવ્યા મુજબ, તેની બહેન તેનું ઘર ચલાવવા માટે સીવણકામ કરી રહી હતી. મૃતકને બે બાળકો છે. જેમાં 6 વર્ષનો છોકરો અને 8 વર્ષની એક છોકરી છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. અમારા ટેલીગ્રામ ગ્રુપ માં જોડાઈને મેળવો તમામ અપડેટ: https://t.me/trishulnews ગુગલ ન્યુઝમાં ફોલો કરો: http://bit.ly/TrishulNewsOnGoogle