November 26, 2024
આગની ઘટનાઓ અવાર-નવાર સામે આવતી હોય છે ત્યારે આવી જ એક આગની ઘટના રાજ્યમાં આવેલ દ્વારકામાંથી સામે આવી રહી છે. કલ્યાણપુર તાલુકામાં આવેલ હરિપર ગામનાં જાપામાં આવેલ ચા તથા પાનની દુકાનમાં ગેસનો સિલિન્ડર ફાટતા અફરાતફરીનો માહોલ જોવા મળ્યો છે.
આ દુકાનમાં આગ લાગતા નજીકમાં આવેલ એગ્રોની દુકાનમાં પણ અચાનક આગ ભભૂકી ઉઠતા ત્યાં પણ બધુ બળીને ખાખ થયું છે. આ આગને લીધે 4 લોકોને સામાન્ય ઇજા પહોંચી છે. જેમને હૉસ્પિટલ લઈ જવામાં આવ્યા છે. આજુબાજુનાં સ્થાનિકોએ આગ લાગતાની સાથે જ સતર્કતા દાખવીને દુકાનમાં પાણીનો મારો ચલાવવામાં આવ્યો હતો.
Trending News
જેને લીધે આગ કાબુમાં આવી ગઇ હતી. આ બંને દુકાનોમાં આગ લાગવાથી બધું બળીને ખાખ થઇ જતા લગભગ 5 લાખ રૂપિયાનું નુકશાન થયાનો અંદાજ રહેલો છે. કલ્યાણપુર તાલુકામાં આવેલ હરિપર ગામમાં હસુભાઈ જેઠાભાઇ સોનગરા નામના વ્યક્તિની દુકાનમાં ગેસનો સિલિન્ડર ફાટતા આગે વિકરાળ સ્વરૂપ ધારણ કર્યું હતુ.
ચા તથા પાનની દુકાનમાં ચા બનાવતી વખતે ગેસના બાટલામાં આગ લાગતા 4 વ્યક્તિઓ દાજ્યા હતા. જેને કારણે તેમને તાત્કાલિક સારવાર અર્થે હૉસ્પિટલમાં લઇ જવામાં આવ્યા હતા. હાલમાં તેમની હાલત સ્થિર છે. આગે વિકરાળ સ્વરૂપ ધારણ કરતાં સ્થાનિકોએ સાથે મળીને પાણી દ્વારા આગ પર કાબુ મેળવ્યો હતો.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે… લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. અમારા ટેલીગ્રામ ગ્રુપ માં જોડાઈને મેળવો તમામ અપડેટ: https://t.me/trishulnews ગુગલ ન્યુઝમાં ફોલો કરો: http://bit.ly/TrishulNewsOnGoogle