November 28, 2024
અવાર-નવાર અકસ્માત ની ઘટનાઓ સામે આવતી રહે છે. ત્યારે આજે ફરી એક વખત અકસ્માતની ઘટના સામે આવી છે. આજે વહેલી સવારે મર્સિડીઝ કાર એક ઓફિસની કેબીનમાં ધસી ગઈ હતી અને ત્રણ વ્યક્તિનાં મોત નીપજ્યાં હતાં. આ ઉપરાંત, ઘણાને ઈજાઓ પણ પહોંચી હતી.
પોલીસે મર્સિડીઝના ડ્રાઇવરની ધરપકડ કરી છે. અકસ્માતમાં એક સાઇકલ સવારનું ઘટના સ્થળે જ મોત થયું છે. સમગ્ર ઘટના નજરે જોનાર લોકોએ જણાવ્યું છે કે, મર્સિડીઝ ડ્રાઈવરે વાહન ઉપરનો કાબૂ ગુમાવ્યો હતો અને કેબીને ટકરાતા પહેલા બે સાયકલ સવારોને ટક્કર મારી હતી અને છેલ્લે લોખંડની રેલિંગ સાથે કાર અથડાઇ હતી.
Trending News
મૃતકોની ઓળખ રામ પ્રસાદ (40), ધરમપ્રીત (23) ઘોલુપુર અને ઝીરકપુર નિવાસી અંકુશ નરુલા (27) તરીકે થઇ છે. રામ પ્રસાદ અને અન્ય સાઇકલ સવાર તેમની નાઈટ શિફ્ટ પૂરી કરી ખાનગી કંપનીની ઓફિસથી પરત ફરી રહ્યા હતા. આ ઉપરાંત, ઘાયલોની ઓળખ શ્રીપાલ, એક બાઇસિકલ સવાર હરીશ કુમાર અને પ્રદીપસિંહ તરીકે થઇ છે.
મોહાલી પોલીસે જણાવ્યું છે કે, મર્સિડીઝ ડ્રાઈવર અને તેના મિત્રો નશામાં હતા અને કારની અંદર ત્રણ બીયર બોટલ હજી પણ પડી છે. ત્યાં હાજર લોકો ઓફિસની કેબીનમાં ફસાયેલા કર્મચારીઓને બચાવવા માટે એકઠા થયા બાદ પોલીસે સ્થળ પર જ વાહનને છોડી દીધું હતું.
પોલીસે પોસ્ટમોર્ટમ બાદ મૃતકોના દેહને એના પરિવારજનોને સોંપી દીધા છે. આ અકસ્માત બાદ મર્સીડીઝ ચાલક કાર મૂકીને નાસી છૂટ્યો છે. પોલીસે કારના ડૉક્યુમેન્ટના આધારે ડ્રાઈવર સુધી પહોંચવા માટે તજવીજ શરૂ કરી છે. પોલીસે અજાણ્યા કાર ચાલક સામે ગુનો નોંધીને કાયદેસરની તપાસ શરૂ કરી દીધી છે. પોલીસે કહ્યું કે, ટૂંક જ સમયમાં આરોપીને પકડી પાડવામાં આવશે.
સમગ્ર ઘટના નજરે જોનાર નરેશસિંહ રાવતે કહ્યું કે, તેઓ એક ખાનગી કંપનીમાં કામ કરે છે. શનિવારે સવારે જ્યારે તે ડ્યૂટી પૂરી કરીને ઘરે જઈ રહ્યા હતા ત્યારે એની કેબીનની આગળ મર્સિડીઝ કાર જઈ રહી હતી. જેમાં કંપનીના ત્રણ લોકો બેઠા હતા. જ્યારે હરિશ કુમાર કાર ડ્રાઈવ કરી રહ્યો હતો. મર્સિડીઝ કારનું તો રીતસર પડીકું વળી ગયું હતું.
તપાસ અધિકારી સિકંદરસિંહે જણાવ્યું હતું કે, “આ અકસ્માતમાં ત્રણ વ્યક્તિઓના મોત નીપજ્યા છે જ્યારે ત્રણ ઘાયલો વિવિધ હોસ્પિટલોમાં સારવાર લઈ રહ્યા છે. મટૌર પોલીસ સ્ટેશનમાં કેસ નોંધવામાં આવ્યો છે. ” પોલીસે મર્સિડીઝમાં દારૂની બોટલો મળી હોવાનો ઇનકાર કર્યો હતો.
પ્રત્યક્ષદર્શીઓએ જણાવ્યું કે, આ ટક્કરની અસર એટલી જોરદાર હતી કે કેબ બે-ત્રણ વખત પલટી મારી ગઈ. મર્સિડીઝ ડ્રાઇવરે વાહનનો કાબૂ ગુમાવ્યો હતો અને લોખંડની રેલિંગમાં ભંગાણ પડતા પહેલા બે સાયકલ સવારો ઉપર દોડી ગયા હતા.
પ્રત્યક્ષદર્શીઓએ જણાવ્યું કે ,ટક્કર એટલી જોરદાર હતી કે, રેલીંગ 2-3 વખત પછાડી હતી. તેઓએ એમ પણ કહ્યું હતું કે આ અકસ્માતમાં મર્સિડીઝ ડ્રાઇવર અને તેના બે સાથીઓ પણ ઘાયલ થયા હતા પરંતુ તેઓ એરબેગ હોવાથી બચાવી ગયા હતા. પોલીસે આરોપી વિરુદ્ધ પોલીસ સ્ટેશનમાં કલમ 304 Aઅને IPC 279 હેઠળ ગુનો નોંધ્યો છે. ઘાયલોને સિવિલ હોસ્પિટલમાં દાખલ કરવામાં આવ્યા છે. આ સમગ્ર ઘટના ભારતના પંજાબમાં મોહાલી જિલ્લામાં બની હોવાનું જાણવા મળી રહ્યું છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. અમારા ટેલીગ્રામ ગ્રુપ માં જોડાઈને મેળવો તમામ અપડેટ: https://t.me/trishulnews ગુગલ ન્યુઝમાં ફોલો કરો: http://bit.ly/TrishulNewsOnGoogle