વધતા કોરોના વચ્ચે રાજ્યમાં દેખાશે મેઘરાજાનું રોદ્ર સ્વરૂપ, આવનારા ત્રણ દિવસમાં આ વિસ્તારમાં પડશે કમોસમી વરસાદ

આજે ગુજરાતના ખેડૂતો માટે એક માઠા સમાચાર મળી રહ્યા છે. હવામાન વિભાગે રાજ્યના અનેક વિસ્તારોમાં વરસાદની આગાહી કરતા જગતનો તાત ચિંતામાં પડ્યો છે. હવામાન વિભાગ મુજબ 21થી 23 માર્ચ સુધી વાતાવરણમાં પલટો આવી શકે છે. જેથી રાજ્યના ગીર સોમનાથ, તાપી, નર્મદામાં હવામાન વિભાગે વરસાદની આગાહી કરવામાં આવી છે. એટલું જ નહીં હવામાન વિભાગે ગાજવીજ સાથે વરસાદ પડવાની આગાહી કરતા કેરીના પાકને વ્યાપક નુકસાન થઈ શકે છે.

આ ઉપરાંત અમદાવાદના વાતાવરણમાં પણ પલટો આવશે. જ્યારે સૌરાષ્ટ્ર, કચ્છમાં બે દિવસની હિટવેવની આગાહી કરવામાં આવી છે. હવામાન વિભાગના મતે ગુજરાત સિવાય દિલ્હી, હરિયાણા, પંજાબમાં પણ કમોસમી વરસાદની આગાહી કરી છે. હવામાન વિભાગ દ્વારા રાજ્યના ત્રણ જિલ્લાઓમાં વરસાદની આગાહી સાથે જ અમદાવાદ, ગાંધીનગર, વડોદરા, સૌરાષ્ટ્ર-કચ્છ સહિત અનેક વિસ્તારમાં આગામી બે દિવસમાં કાળઝાળ ગરમીની પણ આગાહી કરવામાં આવી છે. મહત્વનું છે કે, રાજ્યમાં ગરમીનું પ્રમાણ દિવસેને દિવસે વધી રહ્યું છે.

અહી નોંધનીય છે કે, માર્ચ મહિનામાં સમગ્ર દેશના વાતાવરણમાં પલટો આવ્યો છે. ઝારખંડ, દિલ્હી, હરિયાણા, પંજાબમાં કરા સાથે વરસાદ પડવાની સાથે રાજસ્થાન, મધ્યપ્રદેશમાં પણ કમોસમી વરસાદ પડ્યો હતો, જેનાથી તાપમાનમાં ઘટાડો જોવા મળ્યો છે. હવામાન વિભાગ દ્વાર આગાહી કરવામાં આવી છે કે, શનિવારે ઉત્તરાખંડ, હરિયાણા, ચંદીગઢ, દિલ્હી, મધ્યપ્રદેશ, છત્તીસગઢ અને રાજસ્થાનમાં કરા સાથે વરસાદ પડશે. આ રાજ્યોમાં ઓરેન્જ અલર્ટ આપવામાં આવ્યું છે. જ્યારે કાશ્મીર, લદાખ અને પંજાબમાં યેલો અલર્ટ આપવામાં આવ્યું છે.

તા.21થી 23 માર્ચ દરમિયાન ઉત્તરીય પર્વતીય પ્રદેશો પંજાબ, હરિયાણા, રાજસ્થાન, મધ્યપ્રદેશના કેટલાંક ભાગ તેમજ કચ્છ, ગુજરાતના વિવિધ ભાગોમાં ધુળકણ સાથે કમોસમી વરસાદ કે કરા પડવાની શક્યતાઓ હવામાન શાસ્ત્રી અંબાલાલ પટેલ દ્વારા કરવામાં આવી છે.