15 મિનિટ પહેલા જ નીકળ્યો હતો ઘરેથી, ટ્રકે અડફેટે લેતા થયું મોત – મોતનો લાઈવ વિડીયો

મધ્યપ્રદેશ: જિલ્લાના રાઘોગઢમાં શનિવારે સવારે ચોથા ભરેલી ટ્રક દ્વારા 9 મા ધોરણના વિદ્યાર્થીને કચડી નાખવામાં આવ્યો હતો. આ અકસ્માતમાં વિદ્યાર્થીનું ઘટનાસ્થળે જ મોત નીપજ્યું હતું. તે 15 મિનિટ પહેલા સાઇકલથી શાળાએ જવા નીકળ્યો હતો. આ ઘટનાથી ગુસ્સે ભરાયેલા લોકોએ ટ્રકને આગ લગાવી દીધી હતી.

ટોળાએ ઘટના સ્થળે પહોંચેલા પોલીસ અને વહીવટી અધિકારીઓના વાહનોના કાચ પણ તોડી નાખ્યા હતા. સમગ્ર ઘટના ત્યાં લગાવેલા સીસીટીવીમાં કેદ થઈ ગઈ છે. તેનો લાઇવ વીડિયો સામે આવ્યો છે. લોકોનું કહેવું છે કે, ખરાબ રસ્તાના કારણે અકસ્માત થયો હતો. આ અંગે ઘણી વખત ફરિયાદ પણ કરવામાં આવી છે. આ ટ્રક પબ્લિક ડિસ્ટ્રીબ્યુશન સિસ્ટમ (PDS) માંથી ચોખા લઈ જઈ રહી હતી.

આ ઘટના શનિવારે સવારે 8 વાગ્યાની આસપાસ બની હતી. ટ્રક રાઘોગઢની રેશનની દુકાનોમાં સપ્લાય કરવા માટે વેરહાઉસમાંથી પીડીએસ ચોખા લઈ જઈ રહ્યો હતો. અહીં રિતિક સાયકલ દ્વારા હિન્દુપથ સ્કૂલ પર જઈ રહ્યો હતો. શહેરમાં પ્રવેશતાની સાથે જ રિતિકને બસ સ્ટેન્ડ પાસે ટ્રકે ટક્કર મારી હતી. ટ્રકના ટાયર રિતિકના માથા પરથી ચાલી ગયા હતા. રીત્વિકનું ઘટનાસ્થળે જ મોત નીપજ્યું હતું. ઘટના બાદ સ્થળ પર હાજર લોકો ઉશ્કેરાયા હતા. ટોળાએ ટ્રકને આગ ચાંપી દીધી હતી. પોલીસ અને વહીવટીતંત્રએ માહિતી મેળવી અને આગ પર કાબૂમાં મેળવ્યો હતો. રીતિકને 5 બહેનો અને 2 ભાઈઓ છે. તેમાં રીતિક સૌથી નાનો હતો.

મળતી માહિતી મુજબ, રીતિક વાંચનમાં હોશિયાર હતો. તે અધિકારી બનવા માંગતો હતો. રીતિકની માતાના જણાવ્યા અનુસાર, તે સૌથી નાનો હતો અને ઘરમાં દરેકનો પ્રિય હતો. બાળકના મૃત્યુ બાદ પરિવારના સભ્યોની હાલત ખરાબ છે. તેની માતા માનતી ન હતી, તેને હસતા રમતા અને ઘરની બહાર નીકળ્યાની 15 મિનિટમાં મૃત્યુના સમાચાર પરિવારને મળ્યા હતા.