માત્ર 1500 રૂપિયાની લેતીદેતીમાં ખેલાયો ખૂની ખેલ, જાહેરમાં જ છરીના ઘા ઝીંકી દેતા યુવક ઘાયલ

હાલમાં સમાજને કલંકિત કરતો કિસ્સો શાહપુર તાલુકામાં જોવા મળ્યો છે. અમદાવાદના શાહપુરના કલ્યાણ ગ્રામ સોસાયટી પાસે જાહેર માર્ગ ઉપર ખૂની ખેલ ખેલાયો. બરીની લારી ઉભી રાખનાર વ્યકિતએ અન્ય એક વ્યકિતને છરીના ઘા ઝીંકી દેતા ઘાયલ થનાર વ્યકિતને 108 મારફતે સિવિલ ખસેડાયો છે. જાણવા મળતી માહીતી મુજબ આ સમગ્ર ખૂની ખેલ રૂપિયા ૧૫૦૦ની લેતીદેતી બાબતે ખેલાયો. જેમાં હુમલો કરનાર શખ્સનું નામ મોહમદ રાજા બાબુ હોવાનું જ્યારે ઘાયલ થનાર યુવક સુલેમાન હોવાનું સામે આવ્યુ છે.

અત્રે ઉલેખીય છે કે, આ પહેલા પણ સાણંદના વાસણા ગામના યુવકને તેના જ મોટા ભાઈ અને તેના મિત્રએ શહેર નજીક આવેલ ભાગ્યોદય હોટેલ પાછળની ઉમા એસ્ટેટના ખુલ્લા પ્લૉટમાં રાત્રે નાના ભાઈને માથાના અને મોઢાના ભાગે પથ્થરો મારી હત્યા કરી હતી. જેને લઈને સાણંદ પોલીસે કાર્યવાહી હાથ ધરી છે. બનાવને લઈને સમગ્ર તાલુકામાં હોબાળો મચી ગયો છે.

પોલીસ દ્વારા મળતી માહિતી મુજબ સાણંદ તાલુકાના વાસણા ગામનો વિજયભાઈ પ્રવીણભાઈ પરમાર તેના સગા મોટા ભાઈ સંજયભાઈ પ્રવીણભાઈ પરમાર અને તેના મિત્ર સંજુભાઈ બાબુભાઈ રાય સાથે અવારનવાર ઝઘડો કરતો હતો. શુક્રવારે રાત્રે 8 વાગ્યા આજુબાજુ સંજયભાઈ પરમાર અને તેનો મિત્ર સંજુ રાય સાણંદ પાસે આવેલી ભાગ્યોદય હોટલ પાછળ ઉમા એસ્ટેટમાં આવેલા ખુલ્લા પ્લોટમાં જઈ રહ્યા હતા.

આ દરમિયાન સામેથી વિજય પરમાર મળ્યો અને અપશબ્દો બોલી ઝઘડો કરવાનો શરુ કર્યો અને મોટાભાઈ સંજયભાઈ પરમાર તેમજ તેના મિત્ર સંજુભાઈ રાય દ્વારા પ્લોટમાં વિજયભાઈ પ્રવીણભાઈ પરમારને મોઢા અને માથાના ભાગે પથ્થરો મારી હત્યા કરવામાં આવી હતી. ઘટનાની જાણ રાત્રીના 11 વાગ્યા આસપાસ મૃતક યુવકના પરિવારજનોને થતા બનાવ અંગે પોલીસને જાણ કરતા સાણંદ પોલીસ સ્ટેશનના પી.આઈ એચ.બી ગોહિલ અને તેઓની ટીમ ઘટના સ્થળે પહોચી હતી. અને વિજયભાઈની લાશને પીએમ માટે સાણંદ સિવિલ હોસ્પિટલ ખાતે ખસેડી હતી.