પાયલોટ દીકરાએ માતા-પિતાને એવું સરપ્રાઈઝ આપ્યું કે, જોનારા દરેક લોકો થઇ ગયા ભાવુક- જુઓ વિડીયો

દરેક માતા-પિતાની ઈચ્છા હોય છે કે તેમના બાળકો ભણીને, લખીને ‘મોટા માણસ’ બને, સારા વ્યક્તિ બને, જેથી તેઓને તેમના પર ગર્વ થાય અને બાળકો પણ ઈચ્છે કે તેઓ પણ તેમના માતા-પિતાને ખુશ કરે અને ગર્વ અપાવે. એક પાયલોટ પુત્રની પણ આવી જ ઈચ્છા હતી અને તેણે તેના માતા-પિતાને એવું અદ્ભુત સરપ્રાઈઝ આપ્યું કે તેના માતા પિતાના ચહેરા પર સ્મિત આવી ગયું.

હવે તમે વિચારી રહ્યા હશો કે, તેણે એવું તો શું સરપ્રાઈઝ આપ્યું, તો ચાલો તમને જણાવીએ. વાસ્તવમાં, માતા-પિતા જયપુર જવા માટે વિમાનમાં સવાર થયા હતા, પરંતુ તેઓ સંપૂર્ણપણે અજાણ હતા કે તેઓ જે વિમાનમાં ઉડાન ભરવાના હતા તે વિમાન ચલાવનાર પાયલોટ તેમનો જ દીકરો છે. જ્યારે તેણે પોતાના પાયલોટ પુત્રને વિમાનમાં જોયો ત્યારે તેમની ખુશીનો પાર ન રહ્યો. તે જ સમયે, તે પુત્ર માટે ખુશીની ક્ષણ પણ હતી, જેને તે ભાગ્યે જ ભૂલી શકે.

View this post on Instagram

A post shared by Kamal Kumar (@desipilot11_)

પાયલોટનું નામ કમલ કુમાર છે. આ હૃદયસ્પર્શી વિડીયો તેણે પોતે પોતાના ઈન્સ્ટાગ્રામ એકાઉન્ટ પર શેર કર્યો છે. વીડિયોમાં જોઈ શકાય છે કે પ્લેન ઉડાવનાર કોણ છે તે અંગે તેના માતા-પિતા બિલકુલ અજાણ હતા, પરંતુ પ્લેનમાં પ્રવેશતા જ અચાનક તેઓ પ્રવેશદ્વાર પર તેમના પુત્રને જોઈને એકદમ ચોંકી ગયા હતા. માતા પોતાના પુત્રને અચાનક જોઈને ચોંકી જાય છે અને થોડીવાર રોકાઈને પછી પુત્રનો હાથ પકડીને હસવા લાગે છે. વીડિયોમાં એવું પણ જોવા મળે છે કે કોકપીટમાં પાયલટ કમલ કુમાર પોતાના માતા-પિતા સાથે બેઠા છે. આ વીડિયોએ લોકોના દિલ પણ જીતી લીધા છે, કારણ કે આવા શાનદાર વીડિયો સામાન્ય રીતે ભાગ્યે જ જોવા મળે છે.

પાયલોટ કમલ કુમારે ઈન્સ્ટાગ્રામ પર વીડિયો શેર કર્યો અને કેપ્શનમાં લખ્યું, ‘જ્યારથી મેં પ્લેન ઉડાડવાનું શરૂ કર્યું ત્યારથી હું આ ક્ષણની રાહ જોઈ રહ્યો હતો અને આખરે મને તેમને જયપુર પરત ઘરે લઈ જવાનો મોકો મળ્યો’. આ વીડિયોને અત્યાર સુધીમાં 20 લાખથી વધુ વખત જોવામાં આવ્યો છે, જ્યારે 93 હજારથી વધુ લોકોએ વીડિયોને લાઈક પણ કર્યો છે અને વિવિધ પ્રતિક્રિયાઓ પણ આપી છે. કેટલાક લોકોએ આ વીડિયોને ‘હૃદય સ્પર્શી’ ગણાવ્યો છે અને તેને પાઈલટ માટે ‘શાનદાર અનુભવ’ ગણાવ્યો છે. ટિપ્પણી વિભાગ આવા સારા પ્રતિભાવોથી ભરેલો છે.